Ulttyq komıssııa otyrysynda halyqty qashyqtan jumyspen qamtýdy engizý múmkindikteri qaralýda
ASTANA. Maýsymnyń 18-i. QazAqparat /Rýslan Ǵabbasov/ - Búgin Astanada ótip jatqan QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń otyrysynda halyqty qashyqtan jumyspen qamtýdy (eńbekti úı jumysymen úılestirýdi) engizý múmkindikteri qaralýda,
dep habarlaıdy QazAqparat.
«Jaqynda biz 150 memlekettiń qatysýymen jumyssyzdyq máselesi boıynsha ótken Halyqaralyq eńbek uıymy sessııasynda boldyq. Onda qaralǵan máselerdiń biri áıelder arasyndaǵy jumyssyzdyq. Áıelder jumyssyzdyǵy barlyq elderde de joǵary. Soǵan baılanysty túrli qosymsha formalar men múmkindikterdi qarastyryp jatyrmyz»,-dedi Eńbek jáne halyqty áleýmettik qorǵaý mınıstri Gúlshara Ábdiqalyqova.
Osy turǵyda mańyzdy formalardyń biri áıelderdiń qashyqtan eńbekpen qamtylýy ekenin jetkizgen mınıstr, «atap aıtqanda áıelderdiń balamen otyrýyna baılanysty qashyqtan basqarý nemese qashyqtan jumys isteý formalary kóptegen elderde enip jatyr. Biz osy máseleni bastama retinde kóterip, ulttyq komıssııada qarastyryp, oblystarda ilki jobalardy iske asyramyz. Sondaı-aq Eńbek jáne halyqty áleýmettik qorǵaý mınıstrliginiń qatysýymen aldaǵy ýaqytta osyny zańdy túrde bekitý máselelerin qaraıtyn bolamyz. ıAǵnı ony tájirıbe júzinde iske asyrý qajet»,-dedi mınıstr.
