Ulttyq qoǵamdyq senim keńesin kim basqarýy kerek - depýtat pikiri
«Mundaǵy ústemdik qoǵamda bolatynyna kámil senimdimin. Bizdegi azamattyq qoǵam aıqyn qalyptasqan, ıaǵnı bizde partııalyq uıymdar, qoǵamdyq uıymdar syndy dıalogtyq alańdar bar. Keńes jumysynyń tabysty bolýy úshin halyqtyń barlyq maqsatty tobynyń múddelerin eskerý mańyzdy. Sáıkesinshe, partııa ókilderi mindetti túrde Keńeske enýi kerek, sebebi partııanyń maqsatty toby bar. Al azamattyq alıans, kásipodaq syndy qoǵamdyq birlestikter eńbek etetin 2 mln astam halyqty biriktirip otyr. Ári qaraı múmkindigi shekteýli jandar, jastar syndy ózge de áleýmettik uıymdar Keńes jumysyna qatysýy tıis. Sonymen birge, memlekettik organdar bolmasyn degen pikirlerdi estip júrmiz. Memlekettik organdar qatysýy tıis, sebebi pikirtalastan naǵyz aqıqat týady», - dedi depýtat «Qazaqstannyń damý traektorııasy: sabaqtastyq, ádildik, órleý» atty dóńgelek ústelde.
Sonymen birge, P. Kazantsev Ulttyq keńestiń basqarý formasy jóninde usynys bildirdi.
«Shekten shyǵatyn kereǵar pikirler de bar. Memlekettik apparattyń belgili bir deńgeıde konservatıvti bolýy zańdy. Al shyndyq altyn aralyqta jatyr, ynta-yqylas pen múmkindikterimiz qazirgi syn-qaterler men kemshilikterge jedel jaýap qatqanda paıda bolady. Kezinde Elbasy shaǵyn jáne orta bıznesti jyldam damytý qajet bolǵanda tapsyrma bergen bolatyn. 2000 jyldardyń basynda, daǵdarystan shyqqan soń, Kásipkerlikti damytý boıynsha ulttyq komıssııa quryldy. Onda qoǵam men memlekettik organdar úlesi 50/50 bolǵan. Kez kelgen dıalog tsıfrlandyrýǵa kelip tireletin. Qaı nárseni jaqsartý qajet bolsa, eń aldymen tsıfrlandyrý kerek boldy. Tsıfrlandyrý bolmasa, baǵdarlamalar qabyldanatyn. Munda da jedel sheshim qabyldanatyn jumys formasy qajet. Sondyqtan ony bedeldi saıasatker basqarýy qajet. Tipti Prezıdenttiń ózi basqarýy múmkin dep oılaımyn. Árıne, sońǵy sheshimdi daýys berý arqyly birinshi basshy qabyldaıdy. Alǵashqy kezeńde birinshi basshy, ekinshi kezeńde ókiletti tulǵa sheshim qabyldap, jumys isteıdi. Meniń oıymsha, osyndaı format bolýy qajet», - dedi Pavel Kazantsev.
Aıta keteıik, Qazaqstan Prezıdenti Qasym-Jomart Toqaevtyń jarlyǵymen Ulttyq qoǵamdyq senim keńesi qurylǵan bolatyn. Onyń quramyna barlyq birlestik ókilderi men jastar enedi. Ulttyq qoǵamdyq senim keńesiniń alǵashqy otyrysy osy jyldyń tamyz aıynda ótedi.
