Ulttyq qoǵamdyq senim keńesi qoǵamdy demokratııalandyrýǵa septigin tıgizedi - depýtat

NUR-SULTAN. QazAqparat - Ulttyq qoǵamdyq senim keńesi qoǵamdy demokratııalandyrýǵa septigin tıgizetin bolady. QR Prezıdenti janynan Ulttyq qoǵamdyq senim keńesin qurý týraly Jarlyqtyń shyǵýyna oraı osyndaı pikirdi QR Parlamenti Májilisiniń depýtaty Nadejda Petýhova bildirdi, dep habarlaıdy QazAqparat.

«Saılaýaldy kampanııa barysynda saılaýshylarmen kezdesken kezde saıası júıede ózgerister bolyp jatqany týraly aıtqan edim. Bizdiń kandıdat myqty Prezıdent, yqpaldy Parlament jáne esep berýge mindetti Úkimet bolýy tıistigin málim etti. Ol sondaı-aq pikirlerdi jáne memlekettegi problemalardy zerdeleý úshin Ulttyq qoǵamdyq senim keńesin qurý týraly aıtty. Sol sebepti, meniń oıymsha, bul, ishki saıası ahýaldyń jaqsarýyna, qoǵamnyń demokratııalanýyna jáne úshinshiden, sabaqtastyqty, ádilettilik pen progresti iske asyrýǵa septigin tıgizetin bolady», - dedi N.Petýhova.

Onyń sózinshe, azamattyq qoǵamnyń jańa ınstıtýty memleket jetekshilerine jaqyn bolady. Jáne kóptegen áleýmettik túıtkilder jyldam ári tıimdi sheshiledi.