Ulttyq kitaphanada Qazaq handyǵynyń 550 jyldyǵyna arnalǵan kórme ashyldy (FOTO)

ASTANA. QazAqparat - Búgin Astanadaǵy Ulttyq akademııalyq kitaphanada Qazaq handyǵynyń 550 jyldyǵyna, Uly Jeńistiń 70 jyldyǵyna, QR Konstıtýtsııasynyń 20 jyldyǵyna jáne Qazaqstan halqy Assambleıasy jylyna arnalǵan «Nurly jol - bolashaqtyń jyry bol!» taqyrybynda kórme ashyldy.

Eske sala keteıik, Memleket basshysynyń bastamasymen elimizde birqatar aıtýly sharalar josparlanyp otyr. Osyny negizge alǵan kórme tórt bólimnen turady. Birinshi bólim - «Qazaq handyǵyna 550 jyl» atalady. Osyǵan oraı, taqyryptyq kórmede 180-nen astam kitap jáne merzimdi basylym materıaldary usynylǵan. Ekinshi bólim - «Uly Jeńiske 70 jyl». Atalǵan bólimde áskerı taqyrypqa qatysty kitaptardan bólek, surapyl soǵystan syr shertetin qujattyq slaıd-kompozıtsııalar berilip otyr. Sonymen qosa, 140 kitap pen 13 qujat usynylady. Bulardan bólek, «Qazaqstan Respýblıkasynyń Konstıtýtsııasyna 20 jyl» jáne «Qazaqstan halqy Assambleıasyna 20 jyl» bólimderinde sońǵy jyldary jarııalanǵan baspa ónimderi, tyń derekti materıaldar qamtylyp otyr.

Toqtala ketetin jaıt, 2015 jyl - Qazaqstan halqy Assambleıasynyń jyly bolyp jarııalanǵan. Osyǵan oraı, kórmeniń ashylý rásiminde Qazaqstan halqy Assambleıasynyń ǵylymı-sarapshylyq keńesi birqatar kitaptardy kórmege tartý etken.

Sharaǵa tyl jáne eńbek ardagerleri, elordalyq zııaly qaýym ókilderi, tarıhshy-ǵalymdar, qoǵam jáne memleket qaıratkerleri qatysty.