Ulttyq kitaphana men «Báıterek» monýmentine jaryq berildi
ASTANA. QazAqparat - Birneshe saǵattan keıin respýblıkanyń Qorǵanys mınıstrliginiń, «Kerýen» SOO-nyń ǵımarattary elektr qýatymen qaıta qamtamasyz etiletin bolady dep habarlaıdy elorda ákimdiginiń medıa ortalyǵy.
Saǵat 18:25-te «Levoberejnaıa» shaǵyn stantsııasynda KL-10 kV-ń jumysy retke keltirilip, Ulttyq kitaphanaǵa, «Báıterek» monýmentine, sondaı-aq, «Izýmrýdnyı kvartal» bıznes ortalyǵyna jaryq berildi.
Qazirgi tańda «Kerýen» saýdy oıyn-saýyq ortalyǵy, respýblıkanyń Qorǵanys mınıstrliginiń ǵımaratyn elektr qýatymen qamtamasyz etetin «Levoberejnaıa» shaǵyn stantsııasynyń KL-10 kV-yn retke keltirý jumystary júrip jatyr.
«Shaǵyn stantsııanyń jumysy shamamen eki jarym saǵattan soń retke keltirilmek. Atalmysh nysandarda basybaıly dızel-generatorlary jumys isteýde», - dep málimdedi qalalyq energetıka basqarmasynda.
Budan buryn habarlaǵanymyzdaı, senbide kabeldi jeliniń zaqymdalýy saldarynan Astananyń sol jaq jaǵalaýyndaǵy birqatar turǵyn úı men áleýmettik nysandarda elektr qýatymen qamtý qyzmeti isten shyqqan bolatyn.
Naqtyraq aıtqanda, elektr qýatymen qamtý qyzmeti saǵat 13:00-den Syǵanaq - Aqmeshit kósheleriniń qıylysynda (TP -1088), «Báıterek» monýmetinde, respýblıkanyń Qorǵanys mınıstrliginde, «Kerýen» SOO-da, «Izýmrýdnyı kvartal» TK-de, Ulttyq kitaphanada shektelgen-di.
