Ulttyq keńestiń birneshe otyrysynan keıin naqty nátıje bolaryna senemiz – Maksım Spotkaı

NUR-SULTAN. QazAqparat – Ulttyq qoǵamdyq senim keńesiniń birneshe otyrysynan keıin naqty nátıje bolaryna senemiz. Mundaı pikirdi atalǵan keńestiń múshesi Maksım Spotkaı bildirdi, dep habarlaıdy QazAqparat tilshisi.

«Búgingi otyrys búkil elimiz úshin óte ózekti shara boldy dep aıtýǵa tolyq negiz bar. Shynynda da osy keńestiń tóraǵasy, Memleket basshysy Qasym-Jomart Toqaev qazirgi tańda qoǵamymyzda talqylanatyn máselelerge jaýap berdi. Bul óte úlken alań. Degenmen, búgin alǵashqy otyrysy ótti jáne birneshe otyrystan keıin naqty nátıje bolady dep senemiz. Sol úshin Prezıdenttiń ózi bul alańdy, keńesti basqarady. Menińshe, keńes músheleriniń aıtqan oılary, usynystary óte oryndy. Osy ýaqytqa deıin de bul máselelerdi áleýmettik jelilerde talqylaǵan edik. Endi mine osy máseleler prezıdenttik deńgeıge shyǵyp otyr», - dedi ol Ulttyq keńestiń birinshi otyrysynan keıin.

Maksım Spotkaı Ulttyq keńestiń saıası tobyna múshe ekendigin atap ótti.

«Biz alǵashqy kezdesýden keıin birneshe naqty usynysty tobymyzǵa joldaǵan edik. Ony búgin Aıdos Sarym Prezıdentke jetkizdi», - dedi keńes múshesi.