Ulttyq keńestiń áreketke qabiletti mehanızmge aınalǵanyn qalamaıtyndar bar - Dáýren Abaev
Habar» arnasyndaǵy «Ashyq dıalog» baǵdarlamasynda Dáýren Abaev Ulttyq qoǵamdyq senim keńesiniń alǵashqy otyrysy jaıly taraǵan alypqashpa aqparattarǵa túsinik berdi.
«Bul jolǵy otyrys rasymen de protsedýralyq máseleler qaralǵan daıyndyq otyrysy edi. Ulttyq qoǵamdyq keńesiniń alǵashqy otyrysy 6 qyrkúıekte ótedi. Sol keńeske Qasym-Jomart Kemeluly qatysady. Qyraǵy sarapshylar ótken aptada «Qazaqstan-2050» jalpyulttyq demokratııalyq koalıtsııasy jumysyn toqtatqanyn baıqaǵan bolar. Quramynda úsh parlamenttik partııa bar, bes partııany biriktirgen koalıtsııa músheleriniń ózderi osyndaı sheshim qabyldap, estafetany Ulttyq keńeske berdi. Menińshe, osynyń ózi kóp nárseni ańǵartady. Bizdiń elde Ulttyq keńes áreketke qabiletti mehanızmge aınalǵanyn asa qalamaıtyn adamdar men kúshter bar bolýy múmkin. Men ony túsinemin. Mundaı jaǵdaıda bılik qoǵamnyń barlyq qatarymen dıalogqa barýǵa daıyn ekenin kórsetedi dep oılaımyn. Olardy tyńdap, birlesip áreket etýge bılik daıyn, - dedi Dáýren Abaev.
Eske salsaq, «Habar» arnasyndaǵy «Ashyq dıalog» baǵdarlamasynda Dáýren Abaev áleýmettik jelide qyzý talqylanǵan «eki sıyr» daýyna qatysty pikir bildirdi.
