Ulttyq keńeske qatysýshylardyń pikirleri qaperge alynady dep senemin – Armanjan Baıtasov
«Ulttyq qoǵamdyq senim keńesiniń barlyq músheleri «bul jıyn qalaı óter eken dep» azdap qobaljyǵan edik. Ótken aptada jumys toptarynyń birinshi otyrysy, al búgin Memleket basshysynyń qatysýymen keńestiń birinshi otyrysy ótti. Bul jańa organ bolǵandyqtan reglamenti – bizderdiń bir-birimiz qalaı ýaǵdalasatyndyǵymyz óte mańyzdy boldy. Óıtkeni, keńeske 40-tan astam adam qatysty. Shyndyǵyna kelgende, sarapshylardyń deńgeıi óte joǵary. Árqaısysynyń artynda úlken ujym ne bolmasa úlken tájirıbe tur. Sondyqtan barlyǵymen bir ýaǵdalastyqqa kelý óte qıyn», - dedi ol BAQ ókilderine bergen suhbatynda.
Sonymen qatar ol keńes jumysy barysynda qandaı jaıttyń kóńilinen shyqqanyn aıtyp berdi.
«Búgin maǵan ne unady? Barlyq qatysýshylar óz toptarynda óte naqty baıandama ázirlegen eken. Ózim qatysatyn ekonomıkalyq máseleler jónindegi topqa qatysty aıtar bolsam, biz eki baıandama jasadyq jáne naqty pikirimizdi bildirdik. Buǵan qosa, sóz sóıleýshilerdiń barynsha ashyq bolǵany unady. Búgingi otyrys barysynda aıtylǵan barlyq eskertpelderdi qatysýshylar, eń aldymen Prezıdent Ákimshiligi qaperge alaryna úmit artamyn. Kezdesýge mınıstrler de qatysty olar da bizdiń pikirlerimizdi qaperge alsa eken», - dedi ol.
