Ulttyq keńes týraly kitap jaryqqa shyqty
Qazaqstan Respýblıkasy Prezıdenti janyndaǵy Qazaqstan strategııalyq zertteýler ınstıtýty (KAZISS) «Qazaqstan Respýblıkasy Prezıdentiniń janyndaǵy Ulttyq qoǵamdyq senim keńesin qurý týraly» Qazaqstan Respýblıkasy Prezıdentiniń Jarlyǵyna qol qoıylǵanyna bir jyl tolýyna oraılastyryp «ULTTYQ KEŃES: Hronıkasy. Erekshelikteri. Nátıjeleri» atty basylymyn daıyndady.
Memleket basshysy Q.K.Toqaev bul Jarlyqqa 2019 jylǵy 12 maýsymda elimizdegi eń joǵarǵy sanalatyn - Qazaqstan Respýblıkasynyń Prezıdenti laýazymyna resmı qabyldanǵan kúni qol qoıǵany belgili. Ulttyq qoǵamdyq senim keńesinqurý Prezıdent Q.K.Toqaevtyń óziniń saılaýaldy ýádelerin tıimdi qoǵamdyq dıalog qalyptastyrý bóligindegi oryndaýynyń aıqyn dáleli, sondaı-aq Prezıdenttiń «halyq únine qulaq asatyn memleket» tujyrymdamasynyń damýynyń jolashary boldy.
«ULTTYQ KEŃES: Hronıkasy. Erekshelikteri. Nátıjeleri» kitaby quramyna ekonomıka, adam quqyqtaryn qorǵaý salalaryndaǵy tanymal sarapshylar, sondaı-aq úkimettik emes uıymdar ókilderi men mádenıet qaıratkerleri kiretin mańyzdy konsýltatıvtik-keńesshi organ retinde tanyta bilgen Ulttyq qoǵamdyq senim keńesi jumysynyń birinshi jylynyń nátıjelerine arnalady.
Kitapta memleket pen qoǵam dıalogynyń qalyptasýy men ınstıtýttandyrýynyń álemdik tájirıbesi kórsetilgen. Azamattardy sheshim qabyldaý úderisine tartý boıynsha Ulybrıtanııa, Kanada, Frantsııa jáne Reseıde óz tıimdiligin dáleldegen suhbattasý alańdary mysal retinde qarastyrylady.
Qazaqstandaǵy ártúrli konsýltatıvtik-keńesshi organdar qyzmetiniń ótkenine sholý jasaı otyryp, taldaý júrgizildi. Avtorlardyń aıtýynsha, saıası qozǵalystar men partııalardyń, qoǵam qaıratkerleriniń memlekettik organdarmen ózara is-qımyl júıesi turaqty qozǵalysta bolyp, ózekti kún tártibine jaýap beredi. Qoǵam men bılik arasyndaǵy dıalogty ınstıtýttandyrý úderisinde Ulttyq qoǵamdyq senim keńesinqurý túbegeıli jańa sıpatqa ıe.
Basylymda usynylǵan materıaldardyń kóp bóligi Memleket basshysy Q.K.Toqaevtyń tóraǵalyǵymen bir jyl ishinde úsh keńes otyrysy ótken tikeleı UQSK-niń qyzmetine arnalǵan. Keńes otyrystary barysynda aıtylǵan bastamalar, sondaı-aq áleýmettik qamtamasyz etý, ekonomıkalyq reforma, adam kapıtalynyń deńgeıin kóterý, memlekettiń basqarý júıesin reformalaý jáne basqa da qoǵamdyq mańyzdy máselelerge qatysty qabyldanǵan reformalar legi kitapta kórinis tapty.
Basylymnyń redaktsııalyq alqasynyń tóraǵasy, QSZI dırektory Zarema Sháýkenova avtorlyq ujymnyń atynan Prezıdent keńesshisi – Ulttyq qoǵamdyq senim keńesiniń hatshysy E.T.Qarınge kitapty daıyndaý týraly ıdeıasy úshin jáne ony iske asyrýda Qazaqstan Respýblıkasy Prezıdenti janyndaǵy Qazaqstan strategııalyq zertteýler ınstıtýtyna senim artqany úshin alǵys bildiredi.
Instıtýt basshylyǵy habarlaǵandaı, Qazaqstan Respýblıkasy Prezıdenti janyndaǵy QSZI «ULTTYQ KEŃES: Hronıkasy. Erekshelikteri. Nátıjeleri» kitabynyń tusaýkeserin aldaǵy ýaqytta UQSK músheleriniń, sarapshylar qaýymdastyǵynyń, azamattyq qoǵam men BAQ ókilderiniń qatysýymen Instıtýt qabyrǵasynda mindetti túrde ótkiziledi.
