Ulttyq keńes músheleri SQO-da prezıdent bastamalaryn iske asyrý jaıyn talqylady
Sapar barysynda keńes músheleri sondaı-aq Qyzyljar jáne Mamlıýt aýdandaryna bardy.
Qyzyljar aýdany aýyldyq okrýgteriniń ákimderimen kezdesý barysynda aýyl ákimderin tikeleı saılaýǵa ázirlik barysy ortaǵa salyndy.
Sondaı-aq Ulttyq keńes músheleri Peterfeld aýylyndaǵy Qyzyljar Abaı orta mektebine bardy. Bilim mekemesine tolyq rekonstrýktsııa júrgizilip, jabdyqtar jańartylǵan.
Sondaı-aq oqytý mazmuny men ádisteri qaıta qarastyrylǵan, pedagogıkalyq ujymdy qoldaý jáne yntalandyrý sharalary ázirlendi.
Óz kezeginde Mamlıýt aýdanynda Ulttyq keńes músheleri eldiń ońtústiginen soltústik aımaqqa qonys aýdarý aıasynda kóship kelgen aýdan turǵyndarymen kezdesti.
Bul kezdesýde aýdan turǵyndary jańa jerge kóshý tájirıbesin bólisip ótti.
Kezdesý sońynda qatysýshylar ulttyq keńes qyzmetiniń aıasynda ishki kóshi-qon máselelerin jan-jaqty qarastyrýǵa kelisti.
Sondaı-aq, keńes músheleri oblystyń sarapshylary jáne ǵalymdarymen kezdesip, bilim berý máselelerin, aımaqtyq ǵylymı zertteý júrgizý ádisterin, sondaı-aq ǵalymdardyń bıznes jáne memlekettik organ ókilderimen ózara árekettestik formattaryn ortaǵa saldy.
Stýdentter jáne jastar uıymdarynyń belsendilerimen kezdesýde bilim kóshi-qony, jastardyń jumyspen qamtylýy jáne jastardy qoldaý jobalaryn iske asyrý máselesi talqylanǵan.
Sapar barysynda BQUK músheleri qoǵamshylarǵa, ǵalymdar men belsendi jastar ókilderine prezıdent bastamalarynyń júzege asyrý barysy, atap ótkende, zańnamaǵa saılaý máseleleri boıynsha ózgeristerdiń engizilýi jaıynda baıandap berdi.
Ulttyq keńestiń óńirlerge sapar jasaý tájirıbesi jalǵasady.
Keńes músheleri aldaǵy ýaqytta Shyǵys Qazaqstan jáne Túrkistan oblystaryna sapar shegedi.
