Ulttyq keńes músheleri ІІM basshysymen Prezıdent reformalarynyń barysyn talqylady
QR Prezıdentiniń kómekshisi, Keńes hatshysy Erlan Qarın óziniń quttyqtaý sózinde Іshki ister mınıstrliginiń basshylyǵy qoǵammen dıalogqa ashyqtyǵyn jáne birlesken yntymaqtastyqqa daıyndyǵyn kórsetip otyrǵanyn atap ótti.
Máselen, Erlan Qarın ótken kezdesý aıasynda 2020 jyldyń qarasha aıynyń sońynda UQSK músheleri áıelder men balalardy zorlyq-zombylyqtan qorǵaý jónindegi bólimsheler shtatyn nyǵaıtý, balalarǵa qatysty zorlyq-zombylyq qylmystardy tergeıtin áıel tergeýshilerdi mamandandyrý jáne penıtentsıarlyq mekemeler men polıtsııanyń qyzmettik úı-jaılarynda jappaı beınebaqylaý engizý sheńberinde baqylaýǵa enbegen aımaqtardyń kartasyn ázirleý boıynsha usynystar usynǵanyn mysalǵa keltirdi.
Osy usynystardyń barlyǵy Prezıdent Qasym-Jomart Toqaevtyń 2021 jylǵy aqpandaǵy UQSK-niń besinshi otyrysynda bergen tapsyrmalarynyń negizin qalady.
2021 jylǵy naýryzda ishki ister mınıstriniń buıryǵymen ishki qaıta bólý esebinen áıelderdi zorlyq-zombylyqtan qorǵaý jónindegi bólimshelerdiń shtat sany 248 birlikke, kámeletke tolmaǵandar isi jónindegi ınspektorlar 2,5 myńǵa jýyq birlikke jetkizildi.
Sondaı-aq osy jyldyń kókteminde áıelder men kámeletke tolmaǵandarǵa qatysty zorlyq qylmystardy tergeıtin quramyna tergeýshi-áıelder kirgen toptar quryldy.
Sonymen qatar qazirgi ýaqytta ІІM aǵymdaǵy jyldyń sońyna deıin polıtsııanyń qyzmettik úı-jaılarynda jappaı beınebaqylaýdy engizý boıynsha sharalar qabyldaýda. Atalǵan júıeni QAJ mekemelerinde kezeń-kezeńimen engizý 2023 jyldyń sońyna deıin aıaqtalatyn bolady.
Erlan Turǵymbaev óz kezeginde mınıstrliktiń aǵymdaǵy qyzmeti jáne vedomstvo jumysyndaǵy josparlanǵan ózgerister týraly baıandady.
Mınıstr UQSK múshelerin ishki ister organdary júıesin jańǵyrtý, polıtsııa jumysynyń servıstik modeline kóshý, «Jurtqa jaqyn polıtsııa» qaǵıdatyn qamtamasyz etý, sondaı-aq tsıfrlyq tehnologııalardy engizý boıynsha «Police 102» qosymshasyn paıdalaný, elektrondyq ákimshilik jáne sotqa deıingi is júrgizý jáne ózge de sharalarsharalarmen tanystyrdy.
Erlan Turǵymbaev qazirgi ýaqytta ІІM halyqqa elektrondyq formatta kórsetiletin memlekettik qyzmetterdiń deńgeıi 95%-ǵa jetkizilgenin atap ótti (40-tyń 38-i). Olardyń ishindegi eń keń taralǵany – kólik quraldaryn bankterdiń mobıldi qosymshalary arqyly rásimdeý jáne tirkeý. Qazir mundaı qyzmet birqatar ekinshi deńgeıli bankterdiń qosymshasynda qoljetimdi.
Sondaı-aq Keńes múshelerine penıtentsıarlyq júıeni jańǵyrtý, sottalǵandardyń quqyqtyq jaǵdaıyn, olardy ustaý jaǵdaılaryn jaqsartý boıynsha júrgizilip jatqan jumystar týralyq aparat berildi.
Qazirgi ýaqytta mınıstrlik jumys istep turǵan kolonııalardyń aýmaǵynda jańa turǵyn bloktaryn kezeń-kezeńimen salý jáne qoldanystaǵy ǵımarattardy qaıta jańartý boıynsha jumystardy bastady.
Sonymen qatar, aldaǵy 3 jylda Almaty, Aqtóbe, Mańǵystaý oblystarynda jáne Túrkistan oblystarynda 4 mekeme salý máselesi pysyqtalýda.
Mınıstr búgingi kezdesý aldaǵy ýaqytta qoǵamdyq qaýipsizdikti qamtamasyz etý salasynda ІІM-men syndarly yntymaqtastyqty damytýǵa yqpal etetin erekshe atap ótti.
Odan ári kezdesý suraq-jaýap formatynda jalǵasty. Kezdesý qorytyndysy boıynsha qatysýshylar jáne talqylaý barysynda aıtylǵan usynystar men máselelerdi birlesip pysyqtaý týraly kelisti.
Sonymen qatar ulttyq keńes músheleri elordalyq polıtsııa departamentiniń jedel basqarý ortalyǵynda bolyp, tsıfrlandyrý jobalaryn is júzinde iske asyrý, onyń ishinde beınebaqylaý júıelerimen, polıtsııany shuǵyl shaqyrý, esepke alynǵan adamdardy baqylaýdyń elektrondyq quraldary jáne ózge de tehnologııalarmen tanysty.
Sondaı-aq ulttyq keńes múshelerine polıtseılerdiń jańa nysandy kıim-keshekteri men sottalǵandar daıyndaıtyn «Eńbek» RMK ónimderi kórsetildi.
