Ulttyq keńes bıyl saıası reformalardy ári qaraı jalǵastyrady

NUR-SULTAN. QazAqparat - Ulttyq keńes músheleri saıası reformalardy jalǵastyrýdyń negizgi baǵyttaryn talqylady, dep habarlaıdy QazAqparat.

Búgin QR Memlekettik hatshysy Erlan Qarınniń qatysýymen Ulttyq qoǵamdyq senim keńesi músheleriniń jumys kezdesýi ótti.

Kezdesý barysynda Erlan Qarın Memleket basshysy Qasym-Jomart Toqaevtyń jańa bastamalaryna basymdyq jasady.

Atalǵan bastamalar boıynsha saıası reformalardy kezeń-kezeńimen júzege asyrý josparlanyp otyr.

Osy oraıda Ulttyq keńes músheleri saıası reformalardy odan ári jalǵastyrý boıynsha ózderiniń usynystary men negizgi tásilderdi qalypsatyrýǵa qatysty ustanymdaryn ortaǵa saldy.

Sarapshylar demokratııalyq qoǵamnyń odan ári damýyna yqpal etetin jáne Jańa Qazaqstandy qalyptastyrýdyń negizine aınalatyn júıeli saıası ózgeristerdi ázirleý qajet ekenin atap ótti.

Ulttyq keńes qurylǵannan beri onyń bastamasymen 23 zań qabyldandy, budan bólek 12 zań jobasy ortalyq memlekettik organdar men Parlamentte qaralýda.