Ulttyq keńes áleýmettik jańǵyrtýdyń mańyzdy quralyna aınaldy - Erlan Saıyrov
«Ulttyq qoǵamdyq keńestiń ekinshi otyrysynda Prezıdent qoǵamdyq-saıası protsesterdi jetildirý jónindegi paketti usyndy. Búgingi tańda sol paket aıasynda Mıtıngiler týraly zań qoǵamnyń talqysyna usynyldy. Partııalar týraly zańǵa ózgerister engizilip jatyr. Eń negizgisi - elimizdegi Qylmystyq Kodekstiń 174 jáne 132-baptaryna ózgerister endi. Bul - bizdiń elimizdegi azamattyq qoǵamdy damytýdyń belgili bir ındeksin kóterýge yqpal etetin qadamdar dep aıtýǵa bolady», - dedi E. Saıyrov Ortalyq kommýnıkatsııalar qyzmetinde «Ulttyq keńes: qoǵamdyq kelisimdi qaıta jandandyrý» atty UQSK pikirtalas klýbynyń otyrysynda.
Onyń aıtýynsha, qazirgi ýaqytta qoǵamnyń demokratııaǵa, pikir alýandyǵyna suranysy óte joǵary.
«Qazir qoǵamnyń pikir plıýralızmine, ásirese qoǵamdyq-saıası protsesterdi demokratııalandyrýǵa suranysy óte joǵary. Bul - zańdylyq. Tutas adamzattyń damýy, onyń ishinde áleýmettik-saıası salanyń jańǵyrýdan quralady. Qazaqstan da bul ózgeristerden tys qala almaıdy. Bizdegi protsesterdi Batys pen Shyǵystaǵy barlyq elder basynan ótkergen. ıAǵnı, qoǵammen dıalogqa degen suranys tek qana arta beredi», - dedi spıker.
Bul turǵyda memleket mańyzdy qadamdar jasady. Sonyń biri - Ulttyq qoǵamdyq senim keńesin qurý.
«Ulttyq keńes áleýmettik jańǵyrtýda, qoǵamdyq-saıası protsesterdi júrgizýde mańyzdy quralǵa aınaldy. Árıne, keńesti bireý qoldaıdy, keı adamdar synaıdy. Bul - qalypty jaǵdaı. Syn - kez kelgen saladaǵy jetildirý tásilderiniń biri. Sondyqtan, syndy durys qabyldaýymyz kerek. Alaıda, synmen birge usynys ta aıtylýy tıis», - deıdi Erlan Saıyrov.
