Ulttyq qaýipsizdik týraly zań jobasy saladaǵy tıimdi tetikterdi qalyptastyrýǵa baǵyttalady
qsan. QazAqparat /Qanat Mámetqazyuly/ - Ulttyq qaýipsizdik týraly jańa zań jobasy ulttyq qaýipsizdiktiń tıimdi tetikterin qalyptastyrýǵa baǵyttalǵan. Bul rette qujat arqyly memlekettik organdardyń ulttyq qaýipsizdikke qatysty ókilettigi men jaýapkershiligi naqty anyqtalady. Búgin Parlament Senatynyń halyqaralyq qatynastar, qorǵanys jáne qaýipsizdik komıtetinde «Qazaqstan Respýblıkasynyń ulttyq qaýipsizdigi týraly» zań jobasyn talqylaý barysynda senator Baýyrjan Muhamedjanov osylaı málim etti.
«Birinshi kezekte zań jobasy boıynsha ulttyq qaýipsizdikke qatysty sharalardyń memlekettik organdar arasynda kelisýshiligi qamtamasyz etiledi. Ekinshiden, olardyń ókilettigi naqtylanady. Qandaı memlekettik organ nege jaýap berýi jáne onyń mindetteri men ókilettigi qandaı ekendigi qamtylatyn bolady», - dedi senator Baýyrjan Muhamedjanov. Onyń aıtýynsha, qujatta memlekettiń ulttyq múddeleri de eskerilip otyr. Al zań jobasynyń qabyldanýy ulttyq qaýipsizdikti qamtamasyz etý úshin barlyq memlekettik organdardyń quzyretin kúsheıtip, olardyń jumylýyn qamtamasyz etedi. Zań jobasy aıasynda ulttyq múddeler naqty belgilenip, qaterler aıqyndalady, memlekettik organdardyń quzyreti naqtylanady. Ulttyq qaýipsizdikti qamtý boıynsha sharalar aýqymy keńeıtile túsedi.
Jalpy alǵanda, «Qazaqstan Respýblıkasynyń ulttyq qaýipsizdigi týraly» zań jobasy ulttyq qaýipsizdiktiń tıimdi tetikterin qalyptastyrýǵa baǵyttalǵan. Zań jobasynda memlekettik organdar men laýazymdy tulǵalardyń ulttyq qaýipsizdikti qamtamasyz etýdegi ókilettikteri, olardyń qyzmetin uıymdastyrýdyń quqyqtyq negizderi belgilendi, Qazaqstan Respýblıkasynyń qazirgi zamandaǵy ulttyq múddesi jáne qaýipsizdikke tónetin qaterlerine mán beriledi.
