Ulttyq qaýipsizdik komıtetiniń ókilderi Nurlan Másimovti qalaı ustady

NUR-SULTAN. QazAqparat – QR Ultyq qaýipsizdik komıtetiniń ókilderi Pavlodar oblystyq Polıtsııa departamentiniń burynǵy bastyǵy Nurlan Másimovtyń qalaı ustalǵany týraly málimetterdi taratty, dep habarlaıdy QazAqparat komıtettiń baspasóz qyzmetine silteme jasap.

Reseı Federatsııasynyń arnaıy qyzmetiniń kómegimen Qazaqstan-Reseı shekarasynyń shyǵys ýchaskesinde ótkizý pýnktterinen tys jerden zańsyz ótý áreketi kezinde QR jáne RF azamattarynan turatyn bir top adam ustaldy.

Olardyń arasynda bastapqyda ózi týraly jalǵan derekter bergen izdeýdegi Pavlodar oblysy boıynsha Polıtsııa departamentiniń eks-bastyǵy Nurlan Másimov anyqtaldy.

Kelisimder aıasynda Reseı tarapy 13 shildede N.Másimovty UQK Shekara qyzmeti qyzmetkerlerine berdi.

«Qajetti tekserýler men suraq alý is-sharalarynan keıin quzyreti boıynsha izdestirýdiń bastamashysy bolǵan Sybaılas jemqorlyqqa qarsy qyzmetke berildi»,-delingen habarlamada.

Foto: www.gov.kz