Ulttyq qaýipsizdik komıtetiniń quramynda ózgerister bolmaıdy - UQK tóraǵasy
ASTANA. Jeltoqsannyń 9-y. QazAqparat /Aıdar Ospanalıev/ - Ulttyq qaýipsizdik komıteti óz jumysyn ádettegi tártippen júzege asyrady. Komıtet quramynda aıtarlyqtaı ózgerister bolmaıdy.
Bul týraly búgin Ulttyq qaýipsizdik komıtetiniń jańa taǵaıyndalǵan tóraǵasy Ádil Shaıahmetov jýrnalısterge bergen suhbatynda málim etti, dep habarlaıdy QazAqparat.
Ol qazirgi tańda Parlament Senatynda terrorızmge qarsy kúreske baǵyttalǵan zań jobasynyń qaralyp jatqandyǵyn atap ótip, osy qujattyń qabyldanýyna baılanysty komıtet jumysynyń basym baǵyttary anyqtalatyndyǵyn jetkizdi. «Árıne, komıtet qyzmetin jetildirýdi, onyń qoǵam aldyndaǵy bedelin arttyrýdy biz nazardan tys qaldyrmaımyz. Sońǵy ýaqytta aqparat quraldarynda komıtet qyzmetine qatysty birshama burmalanǵan derekter jarııalandy. Osyǵan oraı aıtarym, Ulttyq qaýipsizdik komıteti tek zań aıasynda ǵana jumys istep jatyr. Men aldaǵy ýaqytta komıtettiń aqparat quraldarymen de tyǵyz baılanysta jumys isteıtindigin atap ótkim keledi», dedi Á.Shaıahmetov.
