Ulttyq qaýipsizdik komıtetiniń basshysy Astanada voleıbol týrnırin ashty
ASTANA. QazAqparat - Astanada Qazaqstannyń quqyq qorǵaý jáne arnaıy organdarynyń arasynda «Dınamo» dene shynyqtyrý-sport qoǵamy qoǵamdyq birlestigi tóraǵasynyń kýbogi jolyndaǵy týrnır bastaldy.
3-5 maýsym aralyǵynda ótkeli otyrǵan dodanyń ashylý saltanatynda QR Ulttyq qaýipsizdik komıtetiniń tóraǵasy, Qazaqstannyń voleıbol federatsııasynyń basshysy Nurtaı Ábiqaev qatysýshylarǵa sáttilik tilep, týrnırdiń shymyldyǵyn túrip berdi.
Týrnırge QR ІІM, QR UQK, QR TJM, QR Ulttyq Ulany, QR UQK Shekara qyzmeti, QR Bas prokýratýranyń, QR Kedendik baqylaý komıteti, QR Qarjy polıtsııasy, QR Memlekettik kúzet qyzmeti, QR Qorǵanys mınıstrligi qyzmetkerleri qatysýda.
Sonymen qatar komıtet tóraǵasy osy jaqynda ǵana elimizdiń voleıboldan respýblıkalyq maýsymy aıaqtalǵanyn jetkizdi.
«Respýblıka ishinde barlyq atalymdar boıynsha chempıondar belgili boldy. Qazirgi ýaqytta halyqaralyq maýsym bastalǵaly otyr. Bizdiń quramalar Azııa chempıonatynda, maýsym-tamyz aılarynda QR Prezıdenti kýbogi jarysynda óner kórsetedi. Tamyzda Almatyda QR áıelder quramasynyń qatysýymen Álemdik lıga dodasy ótedi. Al qyrkúıekte áıelder quramasy álem birinshiligine jol tartady», - dep atap ótti N.Ábiqaev.
