Ulttyq qaýipsizdik komıteti ózine júktelgen mindetterdi abyroımen atqaratynyna senimdimin - Á. Shaıahmetov
ASTANA. Jeltoqsannyń 9-y. QazAqparat /Aıdar Ospanalıev/ - «Qazaqstan tarıhı mańyzy zor kezeńdi bastan ótkerýde. Elimiz Eýropadaǵy qaýipsizdik jáne yntymaqtastyq uıymy sııaqty halyqaralyq deńgeıdegi bedeldi uıymǵa tóraǵalyq etkeli otyr. Osyǵan qaraı Ulttyq qaýipsizdik komıtetine de zor mindetter júkteletinin jaqsy túsinemiz. Biz bul mindetti abyroımen atqaratynymyzǵa senimdimin».
Búgin Parlament depýtattarynyń aldynda Ulttyq qaýipsizdik komıtetiniń tóraǵasy Ádil Shaıahmetov osylaı málim etti, dep habarlaıdy QazAqparat.
Senatorlarǵa ózin Ulttyq qaýipsizdik komıtetiniń tóraǵasy qyzmetine taǵaıyndaý jónindegi usynysty qoldaǵandary úshin alǵysyn bildirgen ol, «biz, ıaǵnı Ulttyq qaýipsizdik komıtetiniń qyzmetkerleri qoǵam ókilderin, azamattardy jáne memleketimizdi qorǵaýǵa mindettimiz. Men búgingi kórsetip otyrǵan senimderińizdi aqtaýǵa tyrysamyn. Qazaqstannyń Ulttyq qaýipsizdik komıtetinde úlken kásibı bilikti mamandar jumys isteıdi. Solardyń kúshimen jáne sizderdiń qqoldaýlaryńyzben biz alda turǵan mindetterdi talapqa saı atqaryp shyǵatynymyzǵa senimdimin», dep atap kórsetti.
