Ulttyq kásipkerler palatasy JOO-ǵa dýaldy bilim berýdi engizý baǵdarlamasyn ázirlemek

ASTANA. QazAqparat - Qazaqstannyń Ulttyq kásipkerler palatasy jaqyn aralyqta elimizdiń joǵary oqý oryndarynda dýaldy bilim berýdi engizý baǵdarlamasyn ázirlep shyqpaq. Búgin Astanada Qazaqstan Kásipkerleri ulttyq palatasynyń áleýmettik sala jáne áleýmettik áriptestik komıtetiniń otyrysynda palatanyń Basqarma tóraǵasynyń orynbasary Nurjan Áltaev osylaı málimdedi.

«Ókinishke qaraı, biz joǵary oqý oryndary boıynsha ózimizge qandaı da bir naqty baǵdarlama daıyndaǵan joqpyz. Ázirshe, jumys tek baqylaýshy keńesterdiń aınalasynda ǵana órbip otyr. Biz sonymen qatar, kolledjderdegi sekildi joǵary oqý oryndaryna da dýaldy bilim berý júıesin qalyptastyrýǵa tıispiz dep sanaımyz. Jaqyn aralyqta, osyndaı baǵdarlamany ázirleıtin bolamyz», - dedi N. Áltaev.

Onyń aıtýyna qaraǵanda, búgingi kúni joǵarý oqý oryndarynyń avtonomızatsııasy týraly zań qabyldaý josparlanýda. Osy zań aıasynda joǵary oqý oryndarynyń janynan baıqaýshy keńester qurylmaq. «Ondaı keńester quramynda múshelikte bıznes ókilderi de bolady ári olar joǵary oqý oryndary arasynda bıýdjetterdi bólý men oqý oryndaryn basqarý jumysyna da qatysady. Bilim jáne ǵylym mınıstrligi tarapynan palata ókilderin baıqaýshy keńes quramyna engizý týraly ótinishter de túse bastady», - dedi N. Áltaev.