Ulttyq kásipkerler palatasy Úkimettiń senimdi jáne bilikti seriktesine aınalady - B. Saǵyntaev
ASTANA. 12 maýsym. QazAqparat - Ulttyq kásipkerler palatasy Úkimettiń senimdi ári bilikti seriktesine aınalady.
Búgin Parlament Májilisiniń jalpy otyrysynda «Qazaqstan Respýblıkasynyń Ulttyq kásipkerler palatasy týraly» zań jobasy boıynsha baıandama jasaǵan QR Premer-Mınıstriniń birinshi orynbasary - Óńirlik damý mınıstri Baqytjan Saǵyntaev osylaı málim etti .
Onyń aıtýynsha, Úkimet «Atameken» odaǵymen birlesip, Ulttyq kásipkerler palatasyna mindetti músheliktiń tujyrymdamalyq úlgisin ázirlegen. «Atalǵan úlgi kásibı tehnıkalyq bilim, ásirese aýyldyq óńirler men monoqalalardaǵy shaǵyn bıznesti keshendi servıstik qoldaý, syrtqy ekonomıkalyq qyzmet salalarynda memlekettik organdardyń keń ókilettikteri men fýnktsııalary qurylatyn Ulttyq kásipkerler palatasyna berýdi qarastyrady. Osylaısha, Ulttyq kásipkerler palatasy Úkimettiń senimdi jáne bilikti seriktesine aınalatyn bolady», dedi B. Saǵyntaev.
Sonymen qatar, Úkimet basshysynyń orynbasary Ulttyq kásipkerler palatasynyń kontınentaldyq (eýropalyq) úlgisi qalyptasatynyna, ol kásipkerlerdiń jalpyǵa birdeı músheligine negizdelgenine toqtaldy. Onyń aıtýynsha, atalmysh úlgi Frantsııa men Germanııada dúnıege kelip, qazir kóptegen eýropalyq elderde tabysty iske asyp keledi.
