Ulttyq kásipkerler palatasy «Gúlnár-týr» daýynan keıin saqtandyrý qoryn qurýdy qolǵa almaq
Onyń aıtýynsha, qazirgi ýaqytta týroperatorlardyń qarjylyq ahýalyn qadaǵalap otyratyn memlekettik tetik óziniń tıimsizdigin kórsetýde. Oǵan dálel - bir apta boıy daý-damaıdyń astynda qalǵan «Gúlnár-týr» operatorynyń qazirgi máselesi.
«Búgingi tańda qarasańyzdar, týrıstik operator naryǵy óziniń ishinde qaýymdastyqtar arqyly basqarylmaı otyr. Árıne, memleket jaǵynan lıtsenzııalaý sharalary bar, ókinishke oraı, bul jaǵdaı kóp qadaǵalanbaǵandyqtan, kóptegen osyndaı keleńsizdikter oryn alýda. Sebebi lıtsenzııa jyl saıyn bul kompanııanyń qarjylyq áleýeti bar-joǵyn qarap otyrýy tıis. Biz eshqandaı operator bolmaımyz, tek osy naryqtaǵy kompanııalardyń basyn qosyp, birinshiden, bankterdegi depozıtterdi saqtandyrý qory sııaqty saqtandyrý qoryn qurmaqpyz. Ár jyl saıyn operatorlar qorǵa azdap qarajat aýdaryp otyrady, keıin osyndaı jaǵdaı bolǵanda, birinshi kezekte tutynýshylardyń múddesin qorǵaýǵa jumsalady. Ekinshi másele, týroperatorlardyń basyn biriktirip, ózderine kerekti standarttardy qabyldaýy kerek, jaýapkershilik alýlary tıis. Osy máselelerdi ulttyq palata júrgizedi. Árıne, biz koordınator retindegi jaýapkershilikti moınymyzǵa alýǵa daıynbyz. Biraq bul naryqqa operator esebinde emes, sebebi bizdiń kásipkerlikpen aınalysatyn qaqymyz joq», - deıdi A. Myrzahmetov.