Ulttyq kásipkerler palatasy «Atamekenim» aktsııasyn iske qosty
Bul týraly palatanyń basqarma tóraǵasy Abylaı Myrzahmetov Astanada ótken baspasóz máslıhatynda málim etti.
«Elbasynyń «Bolashaqqa baǵdar: Rýhanı jańǵyrý» atty baǵdarlamasy qoǵamnyń túrli salasynda qyzý talqylanyp jatyr, elimizdiń barlyq aımaqtarynda kóptegen aktsııalar ótkizilip jatyr. Sonyń ishinde Elbasy týǵan jerge taǵzym, kásipkerlerdiń qoǵam aldyndaǵy jaýapkershiligi týraly aıtqan edi. Munda asyǵystyqqa jol bergimiz kelmedi, sol sebepti barlyǵyn muqııat zerttep, álemdik tájirıbelerge sholý jasadyq. Osylaısha, uzaq daıyndyq jumystarynan keıin «Atamekenim» qaıyrymdylyq aktsııasyn bastap otyrmyz», - dedi Abylaı Myrzahmetov.
Basqarma tóraǵasynyń aıtýynsha, jyldar boıy Qazaqstannyń kóptegen kásipkerleri qaıyrymdylyq sharalaryn ótkizip keledi. Biraq, olar jarnamany unatpaıtyn kórinedi.
«Ókinishke oraı, kásipkerler ózderi atqaraǵan ıgi isterdi óz paryzym dep esepteıdi jáne qalyń jurtshylyqqa kórsete bermeıdi. Munyń barlyǵyn bir júıege keltirý kerek. Qazirgi ýaqytta Qaıyrymdylyq týraly zań bar. Biz ázirge barlyq máselelerdi zerdelep, álemdik tájirıbege sholý jasap, qandaı ózgerister engizý qajettigin anyqtaımyz. Máselen, Memleket basshysy bergen tapsyrmaǵa sáıkes, qaıyrymdylyq jasaǵan kásipker ózi salyp bergen balabaqshaǵa, ózi jóndeý júrgizgen kóshege nemese ózi qarjylaı qoldaý kórsetken JOO korpýsyna óz esimin bere alady. ıAǵnı, barlyǵy zańmen rettelýi tıis», - dep tolyqtyrdy ol.
Sondaı-aq, basqarma tóraǵasy qaıyrymdylyq jasaǵan kásipkerlerge jeńildikterdiń bar ekenin eske saldy.
«Búkil álemde qaıyrymdylyq zańmen rettelip otyrady jáne memleket ekonomıkalyq turǵyda yntalandyrý úshin belgili bir jeńildikter beredi. Qazaqstannyń Salyq kodeksinde óte qolaıly normalar bar. Ókinishke oraı, ol jeńildikterden kásipkerlerdiń basym bóligi habarsyz. Memlekettik kirister departamentiniń derekterine sáıkes, 2015 jyly 2 myńǵa jýyq kásipker shamamen 46 mlrd teńgege deıin jeńildikterdi paıdalanǵan, ıaǵnı qosymsha tabys salyǵyn tóleýden bosatylǵan», - deıdi UKP tóraǵasy.
Aktsııa aıasynda «Atameken» QR UKP resmı ınternet-resýrsynda «Qaıyrymdylyq» aıdary ashylady jáne osy aıdarda áleýmettik máseleler tizilimi jarııalanady. Qandaı da bir kómekke nemese qoldaýǵa muqtaj azamattar onlaın-rejımde osy tizimde ótinim qaldyrýǵa múmkindigi bar. Kásipkerler ótinim-tilektermen tanysa alady. Sondaı-aq, Feısbýk pen Instagram áleýmettik jelilerinde jalpyǵa ortaq toptar ashyp, áleýmettik jaýapkershilik tanytatyn azamattar men kómek kórsetýge daıyn kásipkerlerdiń basyn qosý josparlanǵan.
