Ulttyq kardıohırýrgııalyq ortalyqta biregeı operatsııalar jasaldy

«Tek bıylǵy jyldyń 2 aıynda «Ulttyq ǵylymı kardıohırýrgııalyq ortalyǵy» AQ-da 1122 ota jasaldy. Onyń 246-sy ashyq júrekke, 258-i balalarǵa jasaldy»,-delingen vedomstvo málimetinde.
Sonymen qatar, 9 biregeı ota jasaldy, ıaǵnı onyń úsheýi júrek transplantatsııasy, 1 ókpe transplantatsııasy, 5 júrektiń sol qarynshasynyń qosalqy qondyrǵysyn ımplanttaý.
Ókpe aýystyrý otasy otandyq medıtsınadaǵy biregeı hırýrgııalyq áreketterdiń shynaıy kórinisi boldy. Bul tynys alý joldarynyń kúrdeli syrqattaryna ushyraǵan qazaqstandyqtar úshin ókpe transplantatsııasyn jasaýdy júıeli jolǵa qoıýǵa múmkindik berdi.
«Transplantatsııanyń sátti bolýy atalǵan úderiske turǵyndardyń ózderiniń qatysýymen, qoǵamnyń rýhanı sana-seziminiń damýymen tikeleı baılanysty. Donorlyqqa erikti, sanaly túrde kelisim berip, azamattardyń adam ómirin qutqarýǵa daıyn bolýy izgilik pen adamgershiliktiń naǵyz shyńy ekeni kúmánsiz. Transplantatsııaǵa kelisim bergen donorlar otbasynyń ıgi sheshimi qurmet pen alǵysqa laıyq», - deıdi «Ulttyq ǵylymı kardıohırýrgııalyq ortalyǵy» AQ basqarma basshysy ıÝrıı Pıa.
Aıta keteıik, Ulttyq ǵylymı kardıohırýrgııalyq ortalyǵy Orta Azııa aımaǵy boıynsha medıtsınalyq qyzmet kórsetý deńgeıiniń halyqaralyq sapa standarttaryna saı aldyńǵy qatarly kardıohırýrgııalyq emhana bolyp tabylady.