Ulttyq ınjenerlik akademııada ótken sessııa qatysýshylary kezekten tys prezıdenttik saılaýdy qoldady
ASTANA. QazAqparat - Qazaqstan Respýblıkasy Ulttyq ınjenerlik akademııasynda kezekti sessııa bolyp ótti. Sessııa qatysýshylary 2015 jyldyń 26 sáýirine belgilengen kezekten tys prezıdenttik saılaý ótkizý týraly Elbasy N.Á.Nazarbaevtyń sheshimin biraýyzdan qoldady.
Akademııa prezıdenti Baqytjan Jumaǵulov óziniń sessııany ashar alǵy sózinde Memleket basshysynyń saılaýdy ótkizý jónindegi Qazaqstan halqyna Úndeýiniń mánine keńirek toqtalyp ótti.
- Geosaıası qarama-qaıshylyqtar asqynyp turǵan jaǵdaıda qazaqstandyqtardy ulttyq qaýipsizdigimiz alańdatady, halqymyz Prezıdent Nursultan Nazarbaev júrgizip otyrǵan ishki jáne syrtqy saıasatymyzdyń turaqtylyǵyn qoldaıdy, - dedi ol óz sózinde.
Sessııa qatysýshylary - ǵalymdar, ınjenerler, óndiristiń belgili mamandary, iri kompanııalar men uıymdardyń jetekshileri ózderiniń sózinde beıbitshilik pen kelisim - jalpyhalyqtyq basty jetistik ekenin aıtyp, ony qorǵap, kúndelikti eńbegimizben nyǵaıtyp otyrýymyzdyń qajettigine basa nazar aýdardy.
Elbasy aıtqandaı, «Birlik jáne turaqtylyq - bul bizdiń jaýapty tańdaýymyz! Bul - Otanymyz damýynyń basty formýlasy». Sessııa jumysynda ǵylymı-zertteýlerdi júzege asyrý boıynsha Ýálıhan Bıshimbaev, Uzaqbaı Qarabalın, Asqar Qulybaev, Nádir Nádirov sııaqty ǵalymdar shyǵyp sóılep, óz oılarymen ortaqtasty. Sessııa jumysynyń sońynda professor Turlybek Ysqaqovqa Ó.Joldasbekov atyndaǵy syılyq, professor Aleksandr Trofımovke Sh.Shókın atyndaǵy syılyq, jas ǵalym Dılnara Zakırovaǵa Q.Turysov atyndaǵy syılyq tapsyryldy, dep jazady «Egemen Qazaqstan» gazeti.
