«Ulttyq ınternet qaýymdastyǵy» qazaqsha saıttardy damytýǵa kúsh salmaq
ASTANA. 27 qyrkúıek. QazAqparat - Bıyl maýsym aıynyń 21-inde Qazaqstannyń barlyq óńirlerindegi birneshe kompanııalar, qoǵamdyq uıymdar birigip, «Ulttyq ınternet qaýymdastyǵy» degen zańdy tulǵalar birlestigin qurǵan bolatyn.
Búgin Astanada ótken baspasóz máslıhatynda «Qazaq ınterneti» qoǵamdyq birlestiginiń bas dırektory Serikqazy Kákibalanov bul qaýymdastyqtyń negizgi maqsaty qazaqsha ınternetti damytý bolyp tabylatyndyǵyna erekshe toqtaldy.
Olardyń eń birinshi qolǵa alyp otyrǵan jobasy - elimizde buryn-sońdy bolmaǵan qazaqsha saıttardyń, jalpy qazaq ınternetiniń arasynda konkýrs jasaý.
«Oǵan tek qana saıttar emes, ınternet salasynda jumys istep jatqan jeke adamdar da, kompanııalar da qatysa alady. Konkýrstyń qorytyndysy jeltoqsan aıynyń basynda bolatyn ІІ Astana ınternet forýmynda shyǵarylady», - dep atap ótti S. Kákibalanov.
Tuńǵysh ret ótkizilgeli otyrǵan bul saıysqa qazaq tilinde júrgiziletin kez kelgen saıt qatysa alady. Konkýrs úshin qazan aıynyń basynda arnaıy saıt ashylady. Soǵan saıysqa qatysqysy kelgen adamdar ózderiniń ótinishterin tirkeı alady.
Uıymdastyrýshylardyń málimetinshe, konkýrs mynadaı nomınatsııalar boıynsha ótkiziledi:
-memlekettik organdar;
-bilim jáne ǵylym;
-buqaralaqy aqparat quraldary;
-jeke saıttar;
-mádenıet;
-sport;
-qoǵamdyq uıymdar;
-mekemeler men kompanııalar;
-Qaznettiń tulǵalar.
