«Ulttyq ınnovatsııalyq qor» AQ tehnologııalyq bıznes-ınkýbator baǵdarlamasyn júzege asyra bastady
TANA. 3 tamyz. QazAqparat /Qanat Mámetqazyuly/ - Aǵymdaǵy jyldyń 25-shildesinen bastap elimizde tehnologııalyq bıznes-ınkýbator baǵdarlamasy bastaldy.
Bul týraly búgin atalǵan másele boıynsha ótken baspasóz máslıhatynda «Ulttyq ınnovatsııalyq qor» AQ basqarma basshysynyń orynbasary Ánýarbek Sultanǵazın málim etti.
«Baǵdarlamaǵa keletin bolsaq, bul 2010 jyly bastalǵan memlekettik qoldaýdyń bir túri. Baǵdarlama Indýstrııa jáne jańa tehnologııalar mınıstrliginiń qamqorlyǵymen júzege asyrylady jáne ınnovatsııalyq jobalar bastamashylaryna járdem berip, olardyń naqty ınnovatsııalyq jobalaryn naryqqa kiriktirýge baǵyttalady. Joba sheńberinde qoldanystaǵy tehnoparkter bazasynda ınnovatorlar men olardyń ıdeıalaryn qoldaý jónindegi servıstik jáne ınfraqurylymdyq qyzmetter júrgiziledi. Bul rette baǵdarlamaǵa Almaty, Astana, Qaraǵandy, Óskemen, Oral jáne Shymkent qalalaryndaǵy tehnoparkter qatysatyn bolady» - deıdi Á. Sultanǵazın.
Onyń aıtýynsha, atalmysh baǵdarlamanyń júzege asa bastaǵany byltyr ǵana bolǵanyna qaramastan, onyń tehnologııa men bıznes qaýymdastyǵy arasynda tanymaldylyǵy artyp otyr. Máselen, baǵdarlama boıynsha byltyrǵy jyly tehnologııalyq bıznes-ınkýbatorlyqqa 105 ótinish tússe, onyń 36-sy júzege asyrý úshin maquldanǵan.
«Innovatorlar ózderiniń óńirleri boıynsha tehnoparktermen baılanys jasap, baǵdarlamany tolyq bilgeni abzal. Qazir tehnoparkter osy baǵytta ózderiniń jumystaryn da bastap ketti», - dedi Ulttyq ınnovatsııalyq qor ókili.
