«Ulttyq ınnovatsııalyq qor» AQ qaıta qurylady

Bul týraly búgin Saıası sheshimder ınstıtýtynda jańa uıymnyń baǵyty, jumys mehanızmderine arnalǵan «dóńgelek ústel» barysynda «UIQ» AQ basqarma tóraǵasy Aıdyn Qulseıitov aıtty.

Onyń aıtýynsha, jańa agenttik qurý arqyly eski qor joıylyp, shtaty qysqartylady, biraq qurylym qyzmetiniń deńgeıi 50-60 paıyzǵa ósedi. Aıdyn Qulseıitovtiń sózine qaraǵanda, elimizdegi ınnovatsııalyq damýdy baqylaýshy biryńǵaı úılestirýshi qyzmetin qurý týraly 2010 jyly aıtyla bastaǵan. «Innovatsııalar barlyǵy aıtatyn mańyzdy uǵymǵa aınaldy. Soǵan sáıkes kóptegen bastamalar týyp jatyr, bul rette baqylaýshy, úılestirýshiniń bolǵany durys. Keı jaǵdaılarǵa baılanysty, mınıstrlik baqylaýshylyq qyzmetti tolyq júzege asyra almaıdy. «Qara jumystarǵa» olardyń resýrstary da, ýaqyty da jetkiliksiz. Osy kezde kómekke «Ulttyq tehnıkalyq damý agenttigi» (UTDA) syndy ınstıtýttar keledi», - dedi A.Qulseıitov.

UTDA qyzmetin paıdalanýshy 4 top bolady. «Birinshi topta - joǵary oqý oryndary, ulttyq zertteý ınstıtýttary bar. Bular bizge óz ǵylymı ınnovatsııalaryn usyna alatyn resýrstar. Bul uzaq merizimdi joba, buǵan 20-30 jyl ýaqyt kerek. Birde-bir memleket, 20 jylǵa jetpeıtin mezgilde óz ǵylymı ortasyn qalyptastyra alǵan joq», - dedi A.Qulseıitov.

Ekinshi tutynýshy topqa - ónerkásiptegi óndiristiń damýyna qyzyǵýshylyǵy bar shaǵyn jáne orta bıznes jatady. «Bul jerde aldyńǵy qatarly tehnologııalardyń transferti týraly aıtylyp otyr. Іri bıznes arqyly, biz shaǵyn ınnovatsııalyq kompanııalarǵa zamanýı tehnologııalardy engize alatyn edik. Bos jerde olar qurylmaıdy, sondyqtan iri bıznes arqyly yntalandyrý kerek. Innovatsııalar suranys bar jerde týady, dál osy prıntsıppen evropalyq kompanııalar jumys isteıdi», - dep atap ótti «UIQ» tóraǵasy. Úshinshi tutynýshy - qyzmetin jańadan bastaýshy kompanııalar. ıAǵnı ıdeıalary bar, kásipkerlikke jaqyn azamattar. Tórtinshi tutynýshy - Astanadaǵy Nazarbaev ýnıversıteti men Almatydaǵy Aqparattyq tehnologııalar parki bolmaq.

A.Qulseıitov UTDA granttyq qarjylandyrý, ınnovatsııalyq úderisterdi sarapshylardyń qatysýymen baqylaý, ınnovatsııalyq qyzmetti tanymal jasaý, aımaqtyq ınnovatsııalyq júıelerdi damytý men halyqaralyq áriptestik syndy jańa baǵyttar boıynsha da jumys isteıtinin atap ótti.