Ulttyq ınnovatsııalar baıqaýynyń jeńimpazdary marapattaldy

ASTANA. QazAqparat - Tehnologııalyq damý jónindegi ulttyq agenttik 2017 jyldaǵy Ulttyq ınnovatsııalar baıqaýynyń jeńimpazdaryn marapattady, dep habarlaıdy QazAqparat agenttiktiń baspasóz qyzmetine silteme jasap.

Atap aıtqanda, bıylǵy konkýrs mektep oqýshylary, stýdentter, ónertapqyshtar, jýrnalıster arasynda ótti. Jalpy konkýrsqa 1 myńnan astam adam qatysýǵa ótinish bergen.

Aǵymdaǵy jylǵy baıqaý 5 atalym boıynsha uıymdastyryldy. Sonymen «Jyldyń eń úzdik ónertapqyshtyq sheshimi» atalymynda jeńimpaz ári júldeger retinde Davlatbek Hodjıbergenov, Vasılıı Pýstovoıtenko, Borıs Kım atandy.

«Stýdentter arasyndaǵy eń úzdik ınnovatsııalyq joba» atalymynda Dana Abdrahmanova, Erkebulan Nagıshev, Gúlbaný Qydyrbaeva myqtylar qatarynan kórindi.

Sonymen qatar «Orta mektep oqýshylary arasyndaǵy eń úzdik ınnovatsııalyq joba» boıynsha Lıýbov Dýdchenko, Álimjan Keńesbekov, Ksenııa Bogdanchıkova júldege ıe boldy.

Munymen qosa, «Innovatsııalyq taqyryptaǵy eń úzdik jýrnalıstik materıal» atalymy boıynsha birqatar tilshiler agenttik tarapynan marapat aldy. Bul atalym ishinde 8 qosalqy atalym qamtyldy.  Osylardyń arasynda «Innovatsııalyq taqyryptaǵy qazaq tilindegi eń úzdik ınternet materıal» atalymy aıasynda Qanat Mahambet, Dáýren Erbolatov, Altynbek Qumyrzaquly marapattaldy.

Al «Innovatsııalyq taqyryptaǵy orys tilindegi eń úzdik ınternet materıal» boıynsha ıÝrıı Masanov, Shýhrat Hashımov, Indıra Qaýmetova jeńimpaz atandy.