Ulttyq ıdeıa birlik pen básekege qabiletti ekonomıkaǵa jáne ıntellektýaldy qoǵamǵa negizdelýi tıis - Prezıdent
sp;ASTANA. Qarashanyń 13-i. QazAqparat /Aıdar Ospanalıev/ - «Ulttyq ıdeıa qoǵamnyń damýyna qaraı qalyptasady. Meniń pikirimshe, ulttyq ıdeıa týrasynda sóz qozǵaǵanda mynadaı máselelerdi eskerý qajet sııaqty.
Birinshiden, ol ult birligi. Ekinshiden, myqty básekege qabiletti ekonomıka. Bul týraly biz osyǵan deıin de sóz qozǵaǵanbyz. Myqty ekonomıka táýelsizdigimizdi nyǵaıtyp, oılaǵan isterimizdi júzege asyrý úshin qajet», dedi Elbasy Nursultan Nazarbaev turǵyndardyń tikeleı jeli arqyly joldaǵan saýaldaryna jaýap berý kezinde.
Sondaı-aq Memleket basshysynyń pikirinshe, ulttyq ıdeıa ıntellektýaldy qoǵam qalyptastyrýmen baılanysty. «Eger biz ózgelermen birge ıyq teńestire otyryp, jahandyq úderisten aman shyǵamyz desek, ıntellektýaldy, básekege qabiletti qoǵam qalyptastyra bilýimiz kerek. Ol úshin eldiń árbir azamaty básekege qabiletti bolýy qajet. Sonda ǵana ol qoǵamnyń mańyzdy bóligi bola alady. Sondaı-aq biz álem qadir tutyp, qurmetteıtin syıly memleket qurýymyz qajet. Osy tórt talap oryndalǵanda ǵana biz oılaǵan maqsatymyzǵa jetemiz», dedi N.Nazarbaev.
