Ulttyq halyq sanaǵyna pedagogtar jumyldyryla ma

NUR-SULTAN. QazAqparat – Ulttyq halyq sanaǵyna pedagogtar arnaıy jumyldyrylmaıdy. Bul týraly Strategııalyq josparlaý jáne reformalar agenttigi Ulttyq statıstıka bıýrosynyń basshysy Nurbolat Aıdapkelov aıtty, dep habarlaıdy QazAqparat tilshisi.

«Ulttyq halyq sanaǵyna tartylǵan 32 myń adamnyń eshqaısy da pedagog emes. Biz arnaıy pedagogtardy jumysqa tartýdy kózdegen joqpyz. Biraq, pedagog jumysynan bos bolsa nemese eńbek demalysynda júrse, onda ol halyq sanaǵyn ótkizýge qatysýǵa jáne sol úshin eńbekaqy alýǵa quqyly. Zańmen shekteý qoıylmaǵan. Jalpy, bıýdjettik mekeme qyzmetkerlerin halyq sanaǵyna jumyldyrmaımyz», - dedi ol Ortalyq kommýnıkatsııalar qyzmetindegi baspasóz máslıhaty barysynda.

Onyń naqtylaýynsha, Ulttyq halyq sanaǵyn júrgizýge 32 300 adam jumyldyrylady. Olardyń árqaısysy 833 adamdy sanaqtan ótkizýi kerek bolady. Sol úshin olarǵa 109 myń teńge eńbekaqy tólenedi. Jalpy ulttyq halyq sanaǵyna bólingen qarajat 9,1 mlrd teńgeni quraıdy. Bul qarajat 19 mln 51 myń adamǵa eseptelingen. 1 adamǵa 1,1 AQSh dollarynan aınalady.