Ulttyq halyq sanaǵyn júrgizýge qansha qarjy bólindi

NUR-SULTAN. QazAqparat – Ulttyq halyq sanaǵyn ótkizýge bıýdjetten 8,2 mlrd teńge bólindi. Bul týraly Ortalyq kommýnıkatsııalar qyzmetinde ótken brıfıngte aıtyldy, dep habarlaıdy QazAqparat tilshisi.

«2018 jyldan bastap 2022 jyl aralyǵynda Qazaqstan Respýblıkasynyń Ulttyq halyq sanaǵyna daıyndyq jáne ótkizý úshin Komıtetke 8 mlrd 211 mln teńge somasynda qarjy qarastyrylǵan. Salystyryp aıtatyn bolsaq, 2009 jylǵy Qazaqstan Respýblıkasy halyq sanaǵynyń bıýdjeti 6,5 mlrd teńgeni qurady. 2009 jylǵy halyq sanaǵyn ótkizý kezinde bir adamǵa shaqqandaǵy shyǵyndar - 2,9 AQSh dollaryn qurasa, 2020 jyly - 1,2 AQSh dollaryn quraıdy. Al 2020 jylǵy Reseı Federatsııasy halyq sanaǵynyń bıýdjeti 50 mlrd rýbl boldy. Reseıde sanaq ótkizý kezindegi bir adamǵa shaqqandaǵy shyǵyndar – 3,6 AQSh dollaryn quraıdy- deıdi QR Ulttyq ekonomıka mınıstrligi Statıstıka komıtetiniń tóraǵasy Nurbolat Aıdapkelov.

Sondaı-aq, komıtet tóraǵasy Ulttyq halyq sanaǵy úshin bıýdjetten bólinetin qarjy qaıda jáne qalaı jumsalatyny týraly aıtty.

«Bıýdjettiń negizgi bóligi 3 mlrd 7 mln teńge ıntervıýerlerdiń eńbegine tólenedi. Onaın resýrs pen aqparattyq júıege de qarjy ketti. Odan keıin árbir oblys ortalyqtarynda sanaq júrgizý bólimderin ashtyq. Sodan keıin, aýdan, aýyldarda sanaq júrgizý úshin kólik jaldaıtyn bolamyz. Sondaı-aq, shamamen 1 mlrd teńgege planshetter, sýmkalar, sharftar satyp aldyq. Bul týraly málimetter saıtta ashyq kórsetilgen», - deıdi ol.