Ulttyq halyq sanaǵy kezinde muǵalimder jumysqa tartyla ma

NUR-SULTAN. QazAqparat - Ulttyq halyq sanaǵyn júrgizýge 32,5 myń adam tartylmaq. Bul týraly QR Ulttyq ekonomıka mınıstrligi Statıstıka komıtetiniń tóraǵasy Nurbolat Aıdapkelov aıtty, dep habarlaıdy QazAqparat tilshisi.

«Ulttyq halyq sanaǵy kezinde muǵalimder tegin túrde jumysqa tartylmaıdy. Aqyly túrde, óz erkimen jumys isteýine múmkindik beriledi. Jalpy, sanaq júrgizýge qoıylatyn azamattarǵa qoıylatyn talaptar: 18 jastan asqan Qazaqstan Respýblıkasynyń azamaty, bastamashyl, jaýapty, tez til tabysqysh bolýy kerek. Jumys ótili men kásibı bilimine talaptar qoıylmaıdy, tek planshetpen jumys isteı bilýi kerek», - deıdi Nurbolat Aıdapkelov Ortalyq kommýnıkatsııalar qyzmetinde ótken brıfıngte.

Turǵyn úılerge barǵan kezde ıntervıýerlerde halyq sanaǵynyń logotıpi bar kýálik, sómke, sharftyń bolýy mindetti.

Eske salsaq, bıyl qazanda ótetin Ulttyq halyq sanaǵy eki kezeńnen turady.