Ulttyq ǵylymı keńesterdegi bylyqtar anyqtaldy
"Agenttik ótken jyldyń qyrkúıeginde Ǵylym komıteti qyzmetindegi jemqorlyq táýekelderge saraptama júrgizgen bolatyn. Nátıjesinde kelesi jemqorlyq táýekelder anyqtaldy: komıtet basshylyǵy tarapynan álsiz vedomstvolyq baqylaý baıqalady. Bul komıtet qyzmetshileri tarapynan da, baǵynyshty uıym qyzmetkerleri tarapynan da kóptegen zańnama buzýshylyqqa alyp keledi", - dedi ol.
Onyń atap ótýinshe, komıtet jumysyndaǵy negizgi jemqorlyq táýekelder ulttyq ǵylymı keńester qyzmetin úılestirýde baıqalady. Atalǵan keńester 7 baǵytta qurylǵan. Olardyń negizgi qyzmetteri respýblıkalyq bıýdjet esebinen granttar boıynsha sheshim qabyldaý.
"Mynadaı problemalar anyqtaldy. Birinshi, qazirgi jumys istep turǵan keńesterdiń quramy zańnamany óreskel buza otyryp jasaqtalǵan. Ulttyq ǵylymı keńester týraly erejeniń 11 tarmaǵyna sáıkes olardyń quramyna ǵylymı nemese ǵylymı-tehnıkalyq qyzmettiń akkredıttelgen sýbektileriniń basshylary, olardyń orynbasarlary, bir uıymnan birden artyq qyzmetker kirmeýi qajet. Degenmen, bul talap saqtalmaǵan", - dedi departament basshysy.
Máselen, Aqparattyq, telekommýnıkatsııalyq jáne ǵaryshtyq tehnologııalar, tabıǵı ǵylymdar salasyndaǵy ǵylymı zertteýler baǵytyndaǵy ulttyq ǵylymı keńes tóraǵasy Qalımoldaev Aqparattyq jáne esepteý tehnologııalary ınstıtýtynyń dırektory qyzmetin atqarady. Keńes quramyna Ulttyq bıotehnologııa ortalyǵynyń eki qyzmetkeri kiredi. Osylaısha, UǴK-niń qazirgi quramyn zańsyz dep esepteýge bolady.
"Komıtet bul buzýshylyqty joıý úshin eshqandaı shara qabyldamaı otyr. Buǵan qosa, bul múddeler qaqtyǵysyna alyp keledi. Ol keńes sheshimderimen dáleldengen. Máselen, Qalımoldaev basqaratyn Aqparattyq jáne esepteý tehnologııalary ınstıtýty 1 mlrd 384 mln teńge nemese bul baǵytta bólingen barlyq qarjylandyrýdyń 24 paıyzyn alyp otyr. Buǵan qosa, atalǵan ınstıtýtqa 447 mln teńgeniń 16 jobasy maquldanǵan", - dedi D.Sabyrbaev.