Ulttyq ǵylymı kardıohırýrgııalyq ortalyqta 1 myńnan astam operatsııa jasaldy
ASTANA. 2 sáýir. QazAqparat - Ulttyq ǵylymı kardıohırýrgııalyq ortalyqta 2 myńnan astam adam emdeldi, dep habarlady rm.kz saıty Ulttyq medıtsınalyq holdıngtiń baspasóz qyzmetine silteme jasap.
2011 jyldyń qazan aıynan bastap búgingi kúnge deıin Ortalyqta 2 myńnan astam adam emdeldi, 1 myńnan astam operatsııa jáne ınterventsııalyq operatsııa jasaldy, onyń 700-deıi - ashyq júrekke jasalǵan operatsııalar»,- delingen holdıng habarlamasynda.
Taǵy bir aıta ketetin jaıt, ótken jyly júrekterinde týa bitken aqaýlary bar balalarǵa 300 operatsııa jasaldy, buǵan deıin mundaı naýqastar shetelderge jiberiletin.
Esterińizge sala keteıik, «Ulttyq ǵylymı-kardıohırýrgııalyq ortalyq» Ulttyq medıtsınalyq holdıngtiń quramyna kiredi. Munda zamanaýı kardıologııa, kardıohırýrgııa jáne ınterventsııanyń barlyq salasy qamtylǵan. Kómek eresektermen qosa, balalarǵa da kórsetiledi.
Ortalyq medıtsına ǵylymy men tájirıbesin ushtastyryp, halyqaralyq iri ǵylymı-zertteý jobalaryna da atsalysýda.
