Ulttyq ǵylym akademııasyn qaıta qurý jónindegi memlekettik komıssııa jasaqtaldy

ASTANA. QazAqparat – QR Úkimetiniń 2022 jylǵy 9 qarashadaǵy ókimimen Ulttyq ǵylym akademııasyn qaıta uıymdastyrý jónindegi memlekettik komıssııa quryldy, dep habarlaıdy QazAqparat tilshisi.

Qujatta kórsetilgendeı, atalǵan komıssııaǵa Premer-Mınıstrdiń orynbasary – QR Saýda jáne ıntegratsııa mınıstri Serik Jumanǵarın jetekshilik etedi. Onyń orynbasary bolyp Ǵylym jáne joǵary bilim mınıstri Saıasat Nurbek bekitilse, komıssııa hatshysynyń qyzmetin Ǵylym komıtetiniń tóraǵasy Darhan Ahmed-Zákı atqarmaq.

Sonymen qatar memlekettik komıssııa quramyna engender:

- Qarjy vıtse-mınıstri Tatıana Saveleva;

- Ulttyq ekonomıka vıtse-mınıstri Baýyrjan Omarbekov;

- Almaty qalasy ákiminiń orynbasary Asqar Ámrın;

- Ulttyq ǵylym akademııasynyń prezıdenti Murat Jurynov jáne ǵylymı ortalyqtary men ǵylymı-zertteý ınstıtýttarynyń akademıkteri men rektorlary.

Eske salaıyq, Ulttyq ǵylym akademııasynyń 75 jyldyǵyna oraı uıymdastyrylǵan sessııada Memleket basshysy Qasym-Jomart Toqaev akademııa mártebesin kóterýdi tapsyrǵan bolatyn.

Munymen qosa, buǵan deıin Ǵylym jáne joǵary bilim mınıstri Saıasat Nurbek vedomstvonyń negizgi jumys baǵyttaryna toqtalyp, Ulttyq ǵylym akademııasynyń mártebesi qaıtarylatynyn málimdep edi.