Ulttyq ekonomıkanyń kóshbasshysy bolyp «Samuryq-Qazyna» ál-aýqat qory tanyldy

Ótken jyly onyń tabysy 3,6 trln. teńgeni qurap, onyń aldyndaǵy kórsetkishke qaraǵanda 23,9 paıyz deńgeıinde ósim kórsetti. Bul týraly búgin Almatyda «Ekspert RA Qazaqstan» reıtıngtik agenttiginiń zertteý nátıjesi boıynsha ótken baspasóz máslıhatynda aıtyldy.

Atalǵan reıtıngte ekinshi oryndy «Teńizshevroıl» JShS ıelense, úshinshi orynda ENRC kompanııasy turaqtady. Joba aıasynda elimizdiń iri kompanııalarynyń reıtıngisi anyqtalýda. Aıta keteıik, 23 qarashada QR Úkimetiniń qatysýymen elordada «Ekspert-100-Qazaqstan» ekonomıkalyq forýmy ótedi.

«Ekspert RA Qazaqstan» reıtıngtik agenttiginiń bas dırektory Ádil Mamajanovtyń sózine qaraǵanda, elimiz bıznesiniń úshinshi ulttyq reıtıngisi 2010 jyldyń qorytyndysy boıynsha daǵdarystyń tereń kezeńin ekonomıkanyń eńsergenin baıqatty. «Ekspert-100-Qazaqstan» reıtıngine qatysýshylardyń jıyntyq tabysy 2010 jyly 13 trln. teńgeden asyp, 25 paıyzǵa ósti. «Ósimniń osyndaı joǵary kórsetkishi «álemdegi qarqyndy damyp kele jatqan 3 ekonomıkanyń biri» mártebesine laıyqty. Ernst&Young málimeti boıynsha ekonomıka ósimi boıynsha birinshi orynda Qatar, ekinshi orynda Qytaı, úshinshi orynda Qazaqstan»,-dedi ol.

Belgili bolǵandaı, elimiz ekonomıkasy negiziniń biri ónerkásiptik kompanııalar ótken jyly óziniń tabysyn 37,3 paıyzǵa arttyrdy.

Á. Mamajanovtyń aıtýynsha, 2010 jyly agroónerkásiptik keshen kompanııalary óziniń tabysyn -26,6 paıyzǵa, kólik salasy - 24,3 paıyzǵa, telekommýnıkatsııa kompanııalarynyń kirisi 16,1 paıyzǵa ósti.