Ulttyq ekonomıka vıtse-mınıstri Іlııas Óserov ustaldy – Antıkor

ASTANA. QazAqparat – QR Ulttyq ekonomıka mınıstriniń orynbasary Іlııas Óserov qamaýǵa alyndy. Aqparatty Sybaılas jemqorlyqqa qarsy is-qımyl agenttiginiń baspasóz qyzmeti rastady, dep habarlaıdy QazAqparat tilshisi.

«Qamaýǵa alynǵanyn rastaımyz, ázirge istiń mán-jaıy týraly málimet berilmeıdi», - dedi Antıkor tóraǵasynyń keńesshisi Arman Tileýkenov QazAqparat tilshisine.

Eske salsaq, Іlııas Óserov ótken jyly 2 naýryzda Ulttyq ekonomıka vıtse-mınıstri bolyp taǵaıyndalǵan edi.

Іlııas Óserov 1985 jyly Almaty qalasynda týǵan. Ál-Farabı atyndaǵy Qazaq ulttyq ýnıversıtetin, T. Rysqulov atyndaǵy Qazaq ekonomıkalyq ýnıversıtetin, Turan-Astana ýnıversıtetin bitirgen.

Eńbek jolyn 2007 jyly «Sberbank» AQ ákimshisi, jetekshi mamany, menedjeri bolyp bastady.

2009-2010 jyldary – QR Ekonomıka jáne bıýdjettik josparlaý mınıstrliginiń Investıtsııalyq saıasat departamentinde túrli laýazymdar atqardy.

2010-2013 jyldary – QR Ekonomıkalyq damý jáne saýda mınıstrligi Investıtsııalyq saıasat departamentiniń sarapshysy, bas sarapshysy.

2013-2014 jyldary – QR Ekonomıka jáne bıýdjettik josparlaý mınıstrliginiń basqarma basshysy.

2014-2015 jyldary – Qarjy, aqparattandyrý jáne aqparattyq resýrstardy qorǵaý departamenti Aqparattyq qaýipsizdik basqarmasynyń bas sarapshysy; QR Bas prokýratýrasy janyndaǵy Materıaldyq-tehnıkalyq qamtamasyz etý basqarmasynyń basshysy.

2015-2019 jyldary – Almaty qalasy Ekonomıka jáne bıýdjettik josparlaý basqarmasy basshysynyń orynbasary, basshysy.

2019 jyly Almaty qalasy Ekonomıka jáne bıýdjettik josparlaý basqarmasynyń basshysy boldy.

2019 jyldyń mamyr aıynan qazirgi ýaqytqa deıin Almaty qalasy ákiminiń orynbasary qyzmetin atqardy.