Ulttyq ekonomıka mınıstrligine qosymsha mindet júkteledi
ASTANA. QazAqparat – Ulttyq ekonomıka mınıstrligine qosymsha fýnktsııa berilýi yqtımal. Bul týraly «Ashyq» NQA portalynda jarııalanǵan Úkimet qaýlysynda jazylǵan, dep habarlaıdy QazAqparat tilshisi.
Qujatta kórsetilgendeı, endi vedomstvoǵa myna fýnktsııa beriledi:
- biryńǵaı tólemdi, biryńǵaı tólem boıynsha ósimpuldy tóleý, aýdarý jáne ony jeke tabys salyǵy men áleýmettik tólemder (mindetti kásiptik zeınetaqy jarnalaryn qospaǵanda) túrinde bólý, sondaı-aq olardy qaıtarý qaǵıdalaryn kelisý.
«Salyq kodeksiniń 776-4-babynyń 6-tarmaǵyna sáıkes, biryńǵaı tólemdi, biryńǵaı tólem boıynsha ósimpuldy tóleý, aýdarý jáne ony jeke tabys salyǵy men áleýmettik tólemder (mindetti kásibı zeınetaqy jarnalaryn qospaǵanda), ósimpul túrinde bólý, sondaı-aq olardy qaıtarý QR Ulttyq banki, ýákiletti organmen, sondaı-aq memlekettik josparlaý jónindegi, densaýlyq saqtaý salasyndaǵy jáne tsıfrlyq damý salasyndaǵy ýákiletti memlekettik organdarmen kelisý boıynsha áleýmettik qamsyzdandyrý salasyndaǵy ýákiletti memlekettik organ aıqyndaıtyn tártippen júzege asyrylady», - dep túsindirme berilgen Úkimet qaýlysynyń jobasyna.
Qujat 3 mamyrǵa deıin kópshilik talqylaýda bolady.
Qosa ketsek, buǵan deıin Tótenshe jaǵdaılar mınıstrligine birqatar qosymsha quzyret berilýi múmkin ekenin jazyp edik.
