Ulttyq ekonomıka mınıstrliginde ádep jónindegi ýákil taǵaıyndaldy

ASTANA. QazAqparat - QR Ulttyq ekonomıka mınıstrliginde «Memlekettik qyzmet týraly» Zańyna sáıkes ádep jónindegi ýákil bolyp Zań departamentiniń dırektory Dáýren Muratbekov taǵaıyndaldy. Bul týraly mınıstrliktiń baspasóz qyzmetinen habarlandy.

Dáýren Muratbekov L.N.Gýmılev atyndaǵy Eýrazııa ulttyq ýnıversıtetin halyqaralyq zańger mamandyǵy boıynsha jáne A.Myrzahmetov atyndaǵy Kókshetaý ýnıversıtetin qarjy bakalavry mamandaǵy boıynsha bitirgen. Eńbek jolyn QR Ekonomıka jáne bıýdjettik josparlaý mınıstrliginde sarapshy laýazymynan bastap, Zań departamentiniń dırektory qyzmetine deıin kóterilip, barlyq kásibı ósý baspaldaqtarynan ótken.

2011 - 2014 jyldary «Ulttyq ınnovatsııalyq qor» AQ ortalyǵy dırektorynyń orynbasary jáne «Ulttyq tehnologııalyq damý jónindegi agenttigi» AQ ortalyǵynyń basqarýshy dırektory qyzmetterin atqarǵan. 2014 jyldan beri QR UEM Zań departamentiniń dırektory.

Ádep jónindegi ýákildiń mindetterine Qazaqstan Respýblıkasynyń memlekettik qyzmet, sybaılas jemqorlyqqa qarsy is-qımyl salasyndaǵy zańnamasyn jáne Ádep kodeksin buzý profılaktıkasy jáne oǵan jol bermeý sharalaryn qamtamasyz etý kiredi.