Ulttyq ekonomıka mınıstrligi memlekettik qaryzǵa qatysty túsinik berdi

NUR-SULTAN. QazAqparat – QR Ulttyq ekonomıka vıtse-mınıstri Mádı Takıev memlekettik qaryzǵa qatysty pikir bildirdi, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz máslıhatynda tótenshe jaǵdaı kezeńinde Qazaqstannyń memlekettik qaryzy men kvazımemlekettik sektor bereshegi qanshalyqty óskeni týraly suraq qoıyldy.

«Búginde Qazaqstannyń memlekettik qaryzy álemde eń tómengi deńgeıdegilerdiń qataryna kiredi. 1 sáýirdegi jaǵdaı boıynsha onyń kólemi jalpy ishki ónimge shaqqanda 25 paıyz shamasynda, ıaǵnı ol belgilengen parametrde jáne qaýipsiz deńgeıde. Barlyq kovenanttar oryndalǵan ári tıisti normalar shegi eskerilgen», - dedi M. Tákıev onlaın baspasóz máslıhatynda.

Osy oraıda ol memlekettik qaryz jaǵdaıy tıisti baqylaýda ekenin atap ótti.