Ulttyq ekonomıka mınıstrligi qant baǵasyna qatysty túsinikteme berdi

«Respýblıka boıynsha, qant baǵasy ortasha eseppen 10 paıyzǵa artqan. Bunyń sebebi - qantty kóterme baǵamen jetkizetin taraptardyń baǵasy ósken. Aldyn ala aqparat boıynsha, jalǵyz óndirýshi - «Orta Azııalyq qant korporatsııasy» JShS-nyń baǵasy ımporttyq taýardyń baǵasyna baılanysty artyp otyr»,-dep túsindirgen Ulttyq ekonomıka mınıstrligine qarasty Tabıǵı monopolııalardy retteý komıtetiniń baspasóz qyzmeti. Al, búgin Úkimet otyrysynan keıin Ulttyq ekonomıka mınıstri Qýandyq Bıshimbaevqa Astana qalasyndaǵy «Small» saýda jelisiniń bir dúkeni qantty qoımada tyǵyp otyrǵany týraly aqparat berip edik, ótinish jazyp, tekserý júrgizýdi talap etý kerek dedi. «Komıtetke ótinish jazyńyzdar, sizderdiń materıaldaryńyzdy negizge ala otyryp, tekserý júrgizemiz»,-dedi Q.Bıshimbaev QazAqparat tilshisine. Esterińizge sala keteıik, keshe Astanada qoldan jasalǵan qant tapshylyǵy jóninde aqparat bergen bolatynbyz.  
Eske sala ketsek, keshe QazAqparat tilshileri Astana qalasyndaǵy saýda ortalyqtaryna baryp, ondaǵy qant máselesi boıynsha jaǵdaıdy óz kózderimen kórip qaıtqan bolatyn.
Óıtkeni birneshe kúnnen beri búkil respýblıka boıynsha qant tapshylyǵy qatty sezilip tur. Mysaly, Qaraǵandyda turaqty qordan 150 tonna kólemindegi taýar ınterventsııasyna qaramastan, óńirdegi qant tapshylyǵy joıylǵan joq.