Ulttyq ekonomıka mınıstrligi Altel men Tele2-niń daýly rolıgine qatysty pikir bildirdi
ASTANA. QazAqparat - QR Ulttyq ekonomıka mınıstrligi Kcell men Beeline uıaly baılanys operatorlarynyń Altel men Tele2 birikken kompanııasynyń avtomobıl keptelisine qatysty vıdeorolıgine baılanysty shaǵymyna pikir bildirdi, dep habarlaıdy QazAqparat.
Agenttiktiń resmı saýalyna berilgen jaýapta «Ksell» AQ men «Kar-Tel» JShS-i (Beeline brendiniń menshik ıesi) operatorlaryna shaǵym túskendigi aıtylady. Shaǵymdy QR UEM Tabıǵı monopolııalardy retteý, básekelestikti jáne tutynýshylar quqyqtaryn qorǵaý komıtetiniń Almaty qalalyq departamenti qaraıtyn bolady.
Máseleni jan-jaqty ári obektıvti zerdeleý úshin monopolııaǵa qarsy organ Ulttyq zııatkerlik menshik ınstıtýtyna saýal joldaǵan.
«Alynǵan málimetter básekelestikti qorǵaý salasyndaǵy QR Zańnamasyna sáıkestigi boıynsha saraptalady jáne sáıkesinshe sheshim qabyldanady», - delingen jaýapta.
Aıta keterligi, daýly vıdeorolık áleýmettik jelide osydan 2 aptaǵa jýyq ýaqyt buryn taraǵan edi.
