Ulttyq ekonomıka mınıstrligi AEF-ke qatysatyn sheteldik spıkerler týraly aıtyp berdi
«Mártebeli meımandardy shartty túrde úsh topqa bólip qarstyrýǵa bolady. Birinshisi, kelýge ýaqyty, nıeti jáne múmkinshiligi barlar. Olar eshqandaı aqysyz tegin keledi. Mundaı spıkerler men qonaqtar barshylyq. Ekinshi top, kelýge daıyn bolǵanymen ushyp kelý, jatyn oryn shyǵyndaryn tóleý qajet. Úshinshi top ózderiniń kelisimshart mindettemeleriniń kúshinde bolýyna baılanysty qalamaqy negizinde ǵana áreket etetinder»,- dedi ol.
Vıtse-mınıstrdiń aıtýynsha, bul rette qarjylandyrý kózi demeýshilerdiń qarajattary bolady.
«Demeýshiler spıkerlermen tikeleı ózderi kelisimge keledi. Bul halyqaralyq tájirıbe. Bizdiń forým dál sondaı formatta ótetin bolady. Oǵan bıýdjetten bólinetin aqsha jaratylmaıdy. Máselen, Frantsýa Olland demeýshilerdiń esebinen keledi», - dedi Rýslan Dálenov.
Aıta keteıik, Global Challenges Summit 2018 baǵdarlamasy zamanaýı álemniń 11 mańyzdy syn-qaterleriniń aınalasynda qurylǵan: biryńǵaı ekonomıka jáne ǵalamdyq strategııa, resýrstar jáne taza energııa, uzaq ǵumyr jáne jańa adamzattyń álemi, tsıfrlandyrý, bolashaqtyń aqshasy, ǵalamdyq qaýipsizdik jáne ýrbanızatsııa. Global Challenges Summit 2018 Astanalyq ekonomıkalyq forým bazasynda 2018 jylǵy 17 mamyrdan 19 mamyrǵa deıingi aralyqta ótedi.
Sammıt spıkerleri qatarynda Frantsııanyń burynǵy prezıdenti Olland Fransýa, fızık, fýtýrolog Mıtıo Kaký, Halyqaralyq olımpıada komıtetiniń Etıka jónindegi komıssııasynyń tóraǵasy jáne BUU-nyń burynǵy Bas hatshysy Pan Gı Mýn, Golman Sachs burynǵy tóraǵasy Djım O'Nıl jáne basqa da tanymal adamdar bar.
