Ulttyq ekonomıka mınıstri Súleımenov halyqqa adal qyzmet etýge ýáde etti
ASTANA. QazAqparat - Búgin Parlament Májilisiniń jalpy otyrysy barysynda tilshilerdiń saýalyna jaýap bergen QR Ulttyq ekonomıka mınıstri Tımýr Súleımenov halyq aldynda adal qyzmet etýge ýáde etti, dep habarlaıdy QazAqparat.
Súleımenov mınıstr bolyp taǵaıyndalǵanyna qýanyshty ekenin jáne vedomstvony basqarý úshin ózin tym jas dep eseptemeıtinin aıta kele, ózi sııaqty 17 jyldyq eńbek tájirıbesi bar mamandy jastar sanatyna qosý qısynsyz bolyp tabylatynyn jetkizdi.
«Barlyǵy adamnyń ózine baılanysty. Bir jaǵynan alyp qaraǵanda tájirıbe de, ıdeıalardyń jasampazdyǵy bar. Shamamen osy jastaǵy mınıstrlerdiń barlyǵy Táýelsiz Qazaqstan jaǵdaıynda tárbıelenip, shyńdaldy»,-dep toqtaldy ol.
Sonymen qatar tilshiler jańa mınıstrden onyń aldyndaǵy eki vedomstvo basshylary laýazymdarynan janjalmen bosatylǵany qanshalyqty alańdatanyn surady.
«Óte qıyn suraq. Meniń oıymsha, saǵan deıin kim bolǵany mańyzdy emes. Qyzmette jaqsy ári jaýapkershilikpen jumys isteý kerek. Osy oraıda basshylyqtyń bergen tapsyrmalaryn oryndap, qyzmetkerlerge, qoǵamǵa, azamattarǵa qatysty adal bolǵan mańyzdy. Bul ustanymdardy oryndaǵan jaǵdaıda maqsattar júzege asady degen oıdamyn»,-dep jaýap qaıyrdy mınıstr.
Sonymen qatar jýrnalısterdiń «burynǵy mınıstrler» otyrǵan kreslony aýystyrdyńyz ba?» degen saýalyna Súleımenov: «Kreslony aýystyrǵanym joq»,-dep jaýap berdi.
Esterińizge sala keteıik, 2016 jylǵy jeltoqsannyń aıaǵyna qaraı Elbasy Nursultan Nazarbaevtyń Jarlyǵymen Tımýr Muratuly Súleımenov Qazaqstan Respýblıkasynyń Ulttyq ekonomıka mınıstri bolyp taǵaıyndaldy.
