Ulttyq ekonomıka mınıstri men Astana ákimi bazar aralady
Statıstıka komıtetiniń derekteri boıynsha Qazaqstandaǵy ınflıatsııa 2016 jyldyń basynan 4,6 %-dy qurady. Azyq-túlik taýarlary baǵasynyń 5%-ǵa ósýi ınflıatsııaǵa negizgi salym boldy. Osyǵan oraı, eń qajetti taýarlar jáne áleýmettik mańyzdy azyq-túlik baǵasynyń negizsiz ósýine jol bermeý erekshe mańyzdy.
Osy maqsatta ulttyq ekonomıka mınıstrligimen apta saıyn statıstıka komıtetiniń, «Kazagromarketıng» AQ jáne jergilikti atqarýshy organdardyń derekterine súıene otyryp, azyq-túlik taýarlary baǵalaryna monıtorıng júrgiziledi.
12-19 shilde aralyǵynda 33 ataýdy qamtıtyn áleýmettik mańyzdy taýarlardyń baǵasy respýblıka boıynsha 0,3%-ǵa ósti. Ótken apta boıynsha qyryqqabat, qant, jumyrtqa jáne shaı baǵasynyń eń kóp ósýi baıqaldy. Nan ónimderi ishinen un jáne makaron ónimderi qymbattady.
Baǵanyń kúrt ósýi men tapshylyǵyna baılanysty qant naryǵyndaǵy jaǵdaıdy zertteýge erekshe kóńil bólindi. Respýblıka óńirlerinde ortasha eseppen qanttyń bólip satý baǵasy 25%-ǵa ósti. Qant baǵasynyń ósýi jyl saıyn jaz merziminde halyqtyń suranysy joǵarylaǵan kezde baıqalyp otyrady.
«Búgingi kúnnen bastap ónimder baǵalarynyń negizsiz kóterilýi týraly barlyq faktiler men ótinishter boıynsha tekseris bastalady, ásirese áleýmettik mańyzdy taýarlarǵa qatysty. Tekseris búkil Qazaqstan boıynsha júrgiziledi», - dep habarlady Q. Bıshimbaev.
Qazirgi ýaqytta monopolııaǵa qarsy organ qyzmetkerleriniń áreketteri qant naryǵynda týyndaǵan jaǵdaıdy zertteýge baǵyttalǵan. Tabıǵı monopolııalardy retteý jáne básekelestikti qorǵaý komıtetiniń aýmaqtyq departamentterimen kóterme jáne bólshek saýda arqyly qant satýshylarynyń áreketteri zerttelýde. Tekseris Qaraǵandy oblysynda bólshek saýda jelilerinde maýsymmen salystyrǵanda shildede 1 kg qant baǵasynyń 238-244-ten 260-290 teńgege deıin kúrt kóterilýi, sondaı-aq oblysta qant tapshylyǵy týraly ótinishter túskennen keıin bastaldy. Sonymen birge un men nan baǵasynyń kóterilýi de basty nazarda.
Q.Bıshimbaev pen Á.Isekeshev Sharyn, Shanhaı, Shapaǵat bazarlaryndaǵy saýda núkteleriniń satýshylarymen áńgimelesti. Sonymen qatar Eýrazııa saýda ortalyǵyna jáne Magným dúkenine de bardy. Olar satýshylardy azyq-túlik taýarlarynyń baǵasyn negizsiz ósirgen alypsatarlardan saq bolýǵa shaqyrdy. 
