Ulttyq dombyra kúnine oraı Túrkistan oblysynda «Dombyra tartý» chellendji ótip jatyr
Túrkistandaǵy «Etnoaýyl» kesheninde «Qazaqtyń úni – dombyra» atty merekelik kontsert ótti. Ulttyq rýhty kótergen is-sharaǵa Túrkistan qalalyq adamı áleýetti damytý bóliminiń basshysy Orazkúl Qoldasova, oblystyq málıhat depýtaty Qalyıma Jantóreeva, «Oqýshylar» saraıynyń dırektory Indıra Ikapova, sonymen qatar, qala turǵyndary men qonaqtar qatysty.
«Dombyra - ǵasyrlar boıy qazaq halqymen birge jasap, qıyn-qystaý kezeńderde eldiń muń-muqtajyn tilsiz jetkizgen qasterli aspabymyz. Buryn onyń úni alty qyrdan asatyn bolsa, qazir alty qurlyqqa jetip, álem halqyn tánti etip kele jatyr. Sondyqtan, asyl dombyramyzdyń qudiretin urpaqtan-urpaqqa jetkizýdiń ıdeologııalyq mańyzy zor», - dedi is-sharany ashyp bergen Orazkúl Shaıhyqyzy.
Sondaı-aq, oblystyq málıhat depýtaty Qalyıma Jantóreeva men «Oqýshylar» saraıynyń dırektory Indıra Ikapova da barsha qazaq elin merekemen quttyqtap, dombyranyń mańyzyna toqtalyp ótti.
Merekelik kontsertke kelgen kórermender jas ónerpazdardyń kúmbirlete tartqan kúıin, naqyshyna keltire oryndaǵan termeleri men halyq áńderin tyńdap, dombyra úniniń qudiretin sezinip qaıtty.
Al, Jetisaı aýdanynda jas kúıshilerden quralǵan 200 dombyrashy Qurmanǵazy Saǵyrbaıulynyń «Balbyraýyn», Ábdimomyn Jeldibaevtyń «Erke sylqym» kúılerin naqyshyna keltirip oryndap, jurtshylyqqa kóterińki kóńil-kúı syılady.
«Aqjaıyq» mýzyka mektebiniń oqýshylary da «Balbyraýyn» kúıin asa belsendilikpen oryndasa, jas ánshiler «Halyq ánderinen popýrrı» aıtyp, ulttyq dombyra kúnin ulyqtady.
Ulttyq dombyra kúnine arnalǵan is-sharalar oblystyń barlyq aýdan qalalarynda uıyıdastyryldy.
