«Ulttyq chempıondar» baǵdarlamasy ishki ınvestıtsııalar ósimin 750 mln. dollarǵa deıin qamtamasyz etedi -T.Jaqsylyqov
ASTANA. QazAqparat - Elimizde «Ulttyq chempıondar» baǵdarlamasyn júzege asyrý ishki ınvestıtsııalar ósimin 750 mln. dollarǵa deıin qamtamasyz etedi. Bul týraly búgin QR Prezıdenti janyndaǵy OKQ-degi baspasóz máslıhatynda Ulttyq ekonomıka vıtse-mınıstri Tımýr Jaqsylyqov málim etti.
«Qolda bar esepteýlerge sáıkes atalǵan baǵdarlamanyń arqasynda tikeleı ishki ınvestıtsııalardyń ósimi shamamen 750 mln. dollardy quraıtyn bolady jáne shamamen 15 myń jańa jumys orny qurylady. Eń ónimdiligi 20-50 paıyzǵa deıin artatyn bolady», - dedi ol.
Vıtse-mınıstrdiń atap ótýinshe, atalǵan baǵdarlama ekonomıkanyń belgili bir salasyndaǵy naqty kompanııany irikep alý arqyly oǵan maqsatty kómek kórsetý arqyly ekonomıkany ártaraptandyrýdy boljaıdy.
«ıAǵnı, biz ret-retimen barynsha básekege qabiletti, bolashaǵy qýatty kompanııalardy iriktep alyp, keıinnen olardan ulttyq chempıondar ósirip şyǵarý úshin belgili bir memlekettik qoldaý toptamalaryn kórsetetin bolamyz», - dedi T.Jaqsylyqov.
