Ulttyq bıýronyń qatardaǵy qyzmetkeriniń jalaqysy 2-3 esege artady - Shpekbaev
ASTANA. QazAqparat - Ulttyq bıýronyń qatardaǵy jedel qyzmetkeriniń jáne tergeýshiniń jalaqysy 2-3 ese artyp, 300-350 myń teńgeden kem bolmaıtyn bolady. Bul týraly QR Memlekettik qyzmet isteri jáne jemqorlyqqa qarsy is-qımyl agenttiginiń tóraǵasy Alık Shpekbaev Feısbýktegi paraqshasynda jazdy, dep habarlaıdy QazAqparat tilshisi.
«Aralyq basqarýshylyq laýazymdardy oryndaýshylyq laýazymdarǵa aýystyrý arqyly 2 ese qysqarttyq. Negizinen, olar basqarma basshylarynyń orynbasarlary men bólimderdiń basshylary. Ol oryndaýshylar qataryn 25%-ǵa arttyrýǵa múmkindik berdi.
Artyq qurylymdardy qysqarttyq. 41 aýdanaralyq basqarmanyń 29-yn japtyq. 26 basqarmany bólimderge, 34 bólimdi - toptarǵa túrlendirdik. Іshki qaýipsizdik qurylymdyq bólimderin ortalyq basqarmany aıtarlyqtaı kúsheıtý arqyly ońtaılandyrdyq», -dedi A.Shpekbaev.
Sonyń nátıjesinde basshylardyń oryndaýshylarǵa ara salmaǵy ózgerdi. Eger bastapqyda Ulttyq bıýroda bir bastyqtyń baǵynyshtylary ekeý bolsa, qazirgi ýaqytta - jeteýge jetkenin aıtty.
Odan bólek Ulttyq bıýro basshysy qabyldaýǵa ýaqytsha moratorıı engizip, ákimshilik shyǵyndardy qysqartqanyn, al odan únemdelgen qarajatty oryndaýshylyq tobynyń jalaqysyn 60%-ǵa qosymsha arttyrýǵa baǵyttalatynyn aıtty.
«Prezıdenttik aqshalaı ústeme qosylyp, ótkizilgen ońtaılandyrý jumystarynan soń Ulttyq bıýronyń qatardaǵy jedel qyzmetkeriniń jáne tergeýshiniń jalaqysy 2,3 ese artyp, 300-350 myń teńgeden kem bolmaıtyn bolady. Osy jerde eń basty atap ótetin jaıt, bir de bir qyzmetker jumysynan bosatylǵan joq»,- dedi ol.
Qyzmetkerlerdiń qysqartylmaý sebebin ol birinshi kezekte sybaılas jemqorlyqqa qarsy is-qımyl memlekettik saıasattyń basty qaǵıdattarynyń biri bolyp tabylady dep túsindirip, Ulttyq bıýro qyzmetkerleriniń elimizdegi qorǵaý organdary arasyndaǵy sany jaǵynan eń az ekenin tilge tıek etti.
Al basqarýshylyqtan oryndaýshylar qataryna qosylǵandardyń utylmaıtynyn sonymen qatar, bul Ulttyq bıýrodaǵy ońtaılandyrýdyń alǵashqy legi ekenin aıtty.
Sol sııaqty Alık Shpekbaev aldaǵy ýaqytta tsıfrlandyrýǵa asa mán beriletinin jáne shtattan tys qyzmetkerlerdiń qysqartylatynyn da sóz etti.
Sóz sońynda qyzmetkerlerdiń materıaldyq jáne áleýmettik jaǵdaılaryn jaqsartý jemqorlyq qylmystardyń aldyn alýda tıimdi bolyp tabylatynyna senim bildirdi.
