Ulttyq bıýro Aqmola oblysy Zerendi aýdanynyń ákimin ustady

KÓKShETAÝ. QazAqparat - Sybaılas jemqorlyqqa qarsy is-qımyl ulttyq bıýrosy Aqmola oblysy Zerendi aýdanynyń ákimi Mereke Mustafındi ustady, dep habarlaıdy QazAqparat tilshisi.

Atap aıtqanda, Memlekettik qyzmet isteri jáne sybaılas jemqorlyqqa qarsy is-qımyl agenttiginiń resmı ókili Janna Bastarova Zerendi aýdany ákiminiń ustalýy jónindegi aqparatty rastady. Sonymen qatar, ol bul faktige qatysty ózge málimetter aldaǵy ýaqytta resmı túrde jarııalanatynyn atap ótti.

Mereke Mustafın 1978 jyly Zerendi aýdanynyń Zerendi selosynda týǵan. Almaty ekonomıka jáne statıstıka akademııasyn, «Femıda» zań akademııasy, gýmanıtarlyq-tehnıkalyq akademııany támamdaǵan. 2017 jyldyń 20 jeltoqsanynda Zerendi aýdanynyń ákimi qyzmetine taǵaıyndalǵan bolatyn. Oǵan deıin Aqmola oblystyq məslıhatynyń tekserý komıssııasy tóraǵasy qyzmetinde boldy.