Ulttyq biryńǵaı testileýdi ótkizýdiń formaty ózgermeıdi - Bilim jáne ǵylym mınıstrligi
ASTANA. 31 mamyr. QazAqparat - Bıylǵy Ulttyq biryńǵaı testileýge mektep túlekteriniń 70 paıyzy qatysady.
Bul týraly búgin Astanada ótken brıfıngte QR Bilim jáne ǵylym mınıstrligi «Ulttyq testileý ortalyǵy» RMQK dırektory Qalı Ábdıev málim etti.
«Aǵymdaǵy jyly Ulttyq biryńǵaı testileýdi ótkizý formaty ózgermeıdi. 155 UBT ótkizý pýnktterinde 100 myńdaı túlek, ıaǵnı jalpy mektep bitirýshilerdiń 70 paıyzy qatysady. Atap aıtqanda, UBT-nyń burynǵy erejesi saqtalatyn bolady»,-dedi Q. Ábdıev.
Onyń aıtýynsha, alǵashqy kúni testileý 56 pýnktte ótip, 25 myń 756 túlek baqtaryn synaıtyn bolady.
Aıta keteıik, bıylǵy UBT 3-15 maýsym aralyǵynda bolady. Jalpy UBT osymen 10-shy márte ótkizilip otyr. Ulttyq biryńǵaı testileýge 9 jyl ishinde 1 mln. 240 myń adam qatysty. Bul mektep túlekteriniń jalpy sanynan 80 paıyzdy quraıdy.
